Luís López anuncia un investimento de 130.000 euros para mellorar a Estación Fitopatolóxica de Areeiro
Por Redacción
O presidente da Deputación de Pontevedra, Luís López, acompañado do deputado provincial Jorge Cubela, protagonizou este xoves a súa primeira visita oficial á Estación Fitopatolóxica de Areeiro, dependente da institución provincial.
Fíxoo, asegura, como "mostra do compromiso que temos con esta finca e co traballo que aquí se realiza".
López de feito aproveitou a ocasión para anunciar un investimento de case 130.000 euros para reformar o laboratorio e a casona. Con esta inxección de cartos poderanse arranxar "complicacións existentes nos edificios, pendentes desde hai moitos anos".
Segundo explicou o presidente da Deputación 90.000 euros irán destinados á reforma e rehabilitación do acceso ao primeiro piso do edificio do laboratorio e outros 40.000 euros a substituír elementos estruturais da casona, danados polas filtracións de auga nas fachadas este e sur.
Cabe lembrar que a Estación Fitopatolóxica de Areeiro, creada en 1981, é un centro de investigación dedicado principalmente a asesorar os agricultores da provincia no relativo á sanidade dos seus cultivos.
En canto ás actuacións planeadas, a intención do goberno provincial é poder licitalas "no prazo máis breve posible para poder chegar para a parte final do inverno coas obras xa executadas”.
Relacionadas:
-
Luis López responde ao PSOE: "Pasar dun goberno dogmático a oposición sectaria é non entender a mensaxe das urnas"
Por Anxo Lourido |
-
Areeiro aconsella manter a vixilancia da botrite ata a vendima
Por Redacción |
-
Areeiro aconsella tratamentos nas viñas para frear o mildio ante as previsións meteorolóxicas
Por Redacción |
-
Areeiro recomenda intervir nas viñas unha vez finalicen os días de choiva
Por Redacción |
-
Doazóns de máis de 90 especies de Areeiro para embelecer os parques e xardíns da provincia
Por Redacción |
-
O xardín de camelias da Finca Areeiro acada a excelencia internacional
Por Redacción |