Os bombeiros retiran un niño de avespas velutinas nun edificio de Augusto García Sánchez
Por Anxo Lourido
Os bombeiros de Pontevedra eran requiridos este sábado para retirar un niño de velutinas que se atopaba nunha zona elevada do edificio número 16 da rúa Augusto García Sánchez, en Campolongo.
Pasadas as 11.00 horas, dous camións do Parque Municipal de Bombeiros desprazábanse ata a zona para efectuar a retirada #ante a preocupación veciñal xa que era imposible retiralo desde algunha das vivendas.
Cos traxes especiais de protección e utilizando a escaleira mecánica, os bombeiros lograban retirar o niño situado baixo a cornixa do edificio.
Tamén durante a noite, preto das 00.00 horas, os bombeiros tiveron que sufocar as lapas que se orixinaron no observatorio de aves do humidal das marismas de Alba. Rexistráronse danos materiais. Trátase dunha zona utilizada habitualmente por indixentes para refuxiarse. Nesta ocasión, os bombeiros indicaron que non se observo a presenza de ningunha persoa na zona.
Por outra banda, a choiva e a tormenta das últimas horas non provocou ningunha incidencia, segundo informa a Policía Local de Pontevedra. Decretouse a alerta amarela polas tormentas que se agardan durante a tarde e noite deste sábado.
Relacionadas:
-
Alerta polo adianto da chegada das velutinas, como debemos actuar?
Por María José Pita |
-
Organizan unha charla para axudar a previr ataques de velutina en persoas e animais
Por Redacción |
-
Poio renovará o convenio para garantir a vixilancia e control da avespa velutina
Por Oskar Viéitez |
-
Unha persoa sofre queimaduras no incendio de dúas casas en Soutomaior
Por Redacción |
-
Dispositivo especial de tráfico e mobilidade durante a Gran Final das Series Mundiais de Tríatlon
Por Almu Dapena & Mónica Patxot |
-
Acusan ao Concello de "abandono de funcións" no rescate dun gato que estivo máis dun día nunha árbore
Por Natalia Puga |