O pleno de Marín abordará a creación dun ente supramunicipal de xestión da auga
Por Oskar Viéitez
O Concello de Marín levará na orde do día do pleno da corporación que se celebrará este xoves ás 20.00 horas a formalización dun acordo para crear un ente supramunicipal co que regular a xestión do subministro de agua á vila ademáis de Pontevedra, Poio, Bueu, Sanxenxo, Vilaboa e Ponte Caldelas.
A alcaldesa, María Ramallo, explicou que levar a pleno esta cuestión é "un compromiso que adquirimos estes concellos nunha reunión que mantivemos con Augas de Galicia e con Acues en xullo".
Ramallo incidiu na importancia de dar este "primeiro paso" para poder despois dotar de forma xurídica a este ente que "nos permitirá xestionar o abastecemento hidráulico nas nosas vilas dunha forma reglada".
Nestes momentos, este sistema de abastecemento atópase nunha situación de irregularidade administrativa, que debe ser resolta á maior brevidade posible, "posto que estamos a falar dun servizo público esencial", explicou a alcaldesa.
O obxectivo do ente supramunicipal é poder, polo tanto, crear un organismo que garanta a igualdade das condicións nas que se presta o abastecemento de auga á poboación destes concellos.
Así, tal e como se levará ao pleno da corporación marinense, solicitarase a concesión dun caudal de 1.000 litros por segundo, sendo as fontes de captación de agua o río Lérez, o rego de Rons e o encoro do Pontillón do Castro.
MOCIÓN DO PSOE
Ademáis nesta sesión plenaria o PSOE de Marín defenderá unha moción coa que propón que o actual modelo de escolas deportivas se amplie ofrecendo actividades de arte, tecnoloxía e natureza.
Relacionadas:
-
Agardan ter en 2024 o abastecemento da auga regularizado e iniciar a constitución dun ente supramunicipal para a súa xestión
Por Oskar Viéitez & Mónica Patxot |
-
O 6 de novembro, nova xuntanza para avanzar no ente supramunicipal que xestionará a auga
Por Redacción |
-
Poio solicitará a concesión dun caudal de auga de mil litros por segundo
Por Oskar Viéitez |
-
Todos os municipios que beben do Lérez desbloquean a creación dun ente supramunicipal a partir de outubro
Por Natalia Puga & Cristina Saiz |
-
Ethel Vázquez, conselleira de Infraestruturas, reclama unha xestión supramunicipal: "a auga do Lérez é de todos"
Por Anxo Lourido |
-
Retoman a idea de crear un ente supramunicipal para o abastecemento de auga na ría de Pontevedra
Por Redacción |