Poio solicitará a concesión dun caudal de auga de mil litros por segundo
Por Oskar Viéitez
O Concello de Poio incluirá na orde do día da sesión ordinaria do pleno de setembro, que se realizará o próximo martes, o acordo para iniciar os trámites necesarios para crear un ente supramunicipal de xestión de auga e dotar dunha regularidade administrativa coa que garantir a igualdade das condicións nas que se presta o abastecemento de auga á poboación de Poio, Pontevedra, Marín, Bueu, Sanxenxo, Vilaboa e Ponte Caldelas.
A creación deste organismo asegurará a cogobernanza de todos os concellos, para autorizar e fixar as condicións das captacións dos ríos Lérez e Rons, de onde se abastecen estes municipios.
Ademais, segundo explica o alcalde, Ángel Moldes, é un dos compromisos adquiridos polos concellos con Augas de Galicia nas últimas reunións celebradas en xullo.
Agora mesmo hai unha situación de alegalidade que é urxente solucionar para regularizar e establecer a cantidade de auga que lle corresponde a cada municipio que, no caso de Poio solicitará a concesión dun caudal de 1.000 litros por segundo, sendo as fontes de captación de auga o río Lérez e o rego de Rons dende o encoro de Pontillón de Castro.
Relacionadas:
-
Agardan ter en 2024 o abastecemento da auga regularizado e iniciar a constitución dun ente supramunicipal para a súa xestión
Por Oskar Viéitez & Mónica Patxot |
-
O 6 de novembro, nova xuntanza para avanzar no ente supramunicipal que xestionará a auga
Por Redacción |
-
O pleno de Marín abordará a creación dun ente supramunicipal de xestión da auga
Por Oskar Viéitez |
-
O Lérez continúa en situación de prealerta por escaseza de auga pese a un aumento do caudal nos últimos días
Por Redacción |
-
Todos os municipios que beben do Lérez desbloquean a creación dun ente supramunicipal a partir de outubro
Por Natalia Puga & Cristina Saiz |