Barro aproba o cambio da cuberta do pavillón e a compra do solar da antiga central de Telefónica
Por Redacción
O goberno municipal de Barro sacou adiante no pleno que se celebrou na noite deste mércores en sesión extraordinaria, unha proposta de modificación de créditos con cargo ao remanente de tesourería por valor de 360.000 euros.
As partidas máis grandes que se contemplan son as dedicadas á construción dunha nova cuberta para o pavillón municipal e que ascenden a 240.000 euros.
Nesta modificación incluíuse unha partida valorada en 20.000 euros coa que o concello adquirirá a parcela na que se atopa actualmente a antiga central de Telefónica no Santo Antoniño.
Esta compra permitirá ao concello unificar esa parcela coas dúas que albergan o actual centro de saúde e o composteiro comunitario, e ter así un único solar no que poder construír no futuro un equipamento de uso social.
O resto de fondos contemplados irán destinados a outras actuacións, como melloras na seguridade viaria, a compra de novos colectores de lixo, a reconstrución do peche da antiga escola unitaria de Valiñas ou a instalación eléctrica da capela municipal de San Marco, entre outras.
O alcalde de Barro, Xosé Manuel Fernández Abraldes, mostrouse moi satisfeito por poder sacar adiante esta proposta xa que a compra da parcela de Telefónica "permitiranos ter un único solar no que poderemos construír un equipamento de carácter social unha vez derrubado o centro de saúde vello".
No pleno tamén se deu luz verde á saída a licitación do contrato do ciclo da auga do Polígono de Outeda, que terá unha duración máxima dun ano, coa posibilidade de prórroga dun ano máis e unha contía de 295.000 euros.
Relacionadas:
-
A antiga central de Telefónica en Santo Antoniño xa é de propiedade municipal
Por Redacción |
-
O viveiro de Barro dá a benvida a seis novos proxectos
Por Redacción |
-
Falece un condutor, de 79 anos, ao saír da vía en Curro
Por Anxo Lourido |
-
O polideportivo de Barro converterase nun auditorio este domingo para acoller o XXIII Festival de Bandas de Música
Por Redacción |
-
Último paso administrativo para a cesión á Consellería da parcela do novo centro de saúde de Barro
Por Redacción |