Confiscan dúas armas de fogo a un cambadés nun control de tráfico
Por Oskar Viéitez
A Policía Local de Vilagarcía detivo este domingo nun control de tráfico a un veciño de Cambados de 35 anos de idade pola posesión de dúas armas de fogo, unha arma branca e cinco gramos de cocaína.
Segundo a información trasladada polo Concello de Vilagarcía de Arousa, o individuo que conducía o coche tamén deu positivo no test de alcol e drogas que se lle practicou no mesmo momento.
Xunto a el viaxaban no vehículo dúas mulleres e dous homes, que tamén foron identificados.
Os feitos producíronse preto das 11 da mañá nun control policial establecido na rotonda do Cavadelo, na confluencia das avenidas Rivero de Aguilar e Valle-Inclán.
O detido, así como as armas e a droga incautada, foron entregados na Comisaría da Policía Nacional a efectos de ser postos ao dispor xudicial.
Relacionadas:
-
Falece o condutor que caeu ao mar co seu vehículo en Vilanova de Arousa
Por Redacción | Creada e actualizada
-
Bombeiros dos parques comarcais de Galicia abordan a Deputación para demandar mellores condicións laborais
Por Mónica Patxot & Anxo Lourido |
-
Nas Rías Baixas hai "moitísima heroína" e a 'operación Babá' sacou do mercado 30 quilos procedentes de Irán
Por Natalia Puga |