A imaxe curiosa dun impacto entre dous vehículos mini terminou co incendio dun dos vehículos.

Sucedía na tarde deste xoves 16 na avenida de Marín, á altura de Estribela na parroquia de Lourizán no termo municipal de Pontevedra. A Policía Local informaba da colisión por alcance entre os dous minis, na contorna do Porto de Marín.

Por causas que se investigan, un dos minis remataba ardendo e foi necesaria a intervención dos Bombeiros de Pontevedra.

A instrución deste caso atópase en mans da Garda Civil.

A pesar da espectacularidade das lapas que se produciron ao arder un dos pequenos vehículos non se rexistraron feridos no suceso, segundo informa a Policía Local de Pontevedra.