Stop Accidentes conmemora con escolares de Sanxenxo o día en recordo ás vítimas de sinistros de tráfico
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/ff2/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/65578ee53a-ydray-plantacion-2.jpg.jpg)
© Concello de Sanxenxo
![](/web/cache/scene/uploads/fotos/foto/5f6/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/65578f2187-ydray-plantacion-8.jpg)
© Concello de Sanxenxo
Escolares de Infantil e Primaria do colexio da Florida participaron este venres nun acto organizado por Stop Accidentes para conmemorar o Día Mundial en Recordo ás Vítimas de Sinistros de Tráfico que terá lugar o vindeiro domingo.
O alumnado colaborou na plantación dunha árbore, un aligustre doado polo Concello, no patio do centro como símbolo de vida e en memoria das vítimas.
"Sanxenxo leva anos sementando educación vial e hoxe plantamos unha árbore como símbolo da vida", explicou Sandra Pérez, representante de Stop Accidentes, sinalando que "ata o de agora en Galicia este acto só se facía na Coruña e creo que Sanxenxo que é punteiro en educación vial tamén debe telo. A idea é facelo cada ano nun centro educativo".
No acto, ao que asistiron os concelleiros Yago Torres, Nati Parada e Xoán Pérez xunto ao policía local Abelardo Martínez, contou coa presenza do 'Poli Paco' para falarlle ao alumnado da importancia da vida e do cumprimento das normas de tráfico para preservala.
Todo nun centro educativo como o CEIP A Florida que está "moi implicado coa educación viaria e ten incluso un circuíto viario na entrada do centro e fanse moitas actividades".
Relacionadas:
-
O 'Poli Paco' chega ao papel cun libro sobre seguridade viaria que será repartido entre escolares de Sanxenxo
Por Redacción |
-
O 'Poli Paco' volve situar a Sanxenxo no mapa da educación viaria cun novo premio
Por Redacción |
-
Ponle Freno premia ao policía local Abelardo Martínez pola súa implicación na educación viaria
Por Redacción |
-
O circuíto de educación viaria do colexio A Florida, entre os finalistas dos premios 'Ponle Freno'
Por Redacción |