"Letras na Praza" para animar á lectura á rapazada da Lama, Cerdedo-Cotobade e Fornelos de Montes
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/0ed/_S7QytKoutjK3UsovKMnMzytWsi62MjK0UipKLc6sStUxMjDQSU_/_7NK0kt0inJL1CyrgUA_/66292de10e-438059639_122141501498133700_9079585732111131807_n.jpg)
© Concello de A Lama
![](/web/cache/scene/uploads/fotos/foto/dab/_S7QytKoutjK3UsovKMnMzytWsi62MjK0UipKLc6sStUxMjDQSU_/_7NK0kt0inJL1CyrgUA_/66292df90c-438095452_122141502182133700_6352469761324950902_n.jpg)
© Concello de A Lama
O Día do Libro celebrouse na Lama dun xeito ben especial. Preto de 250 nenos e nenas dos colexios de Carballedo (Cerdedo-Cotobade), A Lama e Fornelos de Montes participaron nunha actividade lúdica e de animación á lectura.
"Letras na Praza" foi un encontro cultural organizado polo colexio do municipio e o Concello da Lama, a través da Axencia de Lectura e a Oficina Municipal de Información Xuvenil (OMIX).
Desde primeira hora da mañá foron chegando en autobuses os nenos e nenas á Alameda, lugar onde estaban xa instalados as casetas e os espazos de xogos e animación á lectura.
As actividades fóronse sucedendo animadas polas cancións interpretadas coa súa guitarra polo director do CEIP da Lama, Rafael Sánchez-Agustino, para logo dar paso á actuación estelar de Cè Orquestra Pantasma co seu espectáculo.
Ata o lugar achegáronse numerosas autoridades, entre elas o novo conselleiro de Cultura, Lingua e Xuventude, José López Campos; o director xeral de Cultura, Anxo Lourenzo; ou os alcaldes da Lama e Cerdedo-Cotobade, David Carrera e José Cubela.
Relacionadas:
-
O alumnado do IES Cotobade e Forcarei participan na Carballeira de San Xusto no Día da Xuventude
Por Redacción |
-
A rapazada de Cerdedo-Cotobade aprenderá a nadar nas piscinas de Ponte Muiños
Por Redacción |
-
Rematada a mellora do acceso rodado a un núcleo de vivendas en Vilalén
Por Redacción |
-
Alumnado dos colexios de Cerdedo-Cotobade, A Lama e Fornelos, celebrarán conxuntamente o Día do Libro
Por Oskar Viéitez |