Xa están á venda as entradas para os catro espectáculos do Festival das Cóxegas
Por Alejandro Espiño
Desde este mércores xa están á venda as entradas para asistir aos catro espectáculos que formarán parte da primeira edición do Festival das Cóxegas. Trátase, segundo destacou a concelleira Anxos Riveiro na súa presentación, un proxecto cultural de carácter familiar que busca atraer a novos públicos ás artes escénicas.
Compañías procedentes de Cataluña, Madrid e Selecta serán as encargadas de traer a Pontevedra estas propostas de danza, música e teatro pensadas para o público máis esixente, "ese que tanto queremos", afirmou a edil de Cultura: os máis pequenos da casa.
Os catro espectáculos celebraranse os domingos de novembro no Pazo da Cultura, cunha única sesión de cada un ás seis e media da tarde.
Tal e como adiantou a semana pasada PontevedraViva, as propostas incluídas neste Festival das Cóxegas son:
- 8 de novembro: Rolf & Flor en el círculo polar, de The Pinker Tones
- 15 de novembro: Simplicissimus, da compañía Roberto G. Alonso
- 22 de novembro: Constelaciones, de Aracaladanza
- 29 de novembro: El sastrecillo valiente, de Títeres Etcétera
As entradas pódense adquirir en www.ataquilla.com a un prezo de seis euros. No despacho de billetes do Pazo da Cultura só estarán dispoñibles, no caso de non esgotarse, desde dúas horas antes do inicio de cada espectáculo.
Relacionadas:
-
A pintura de Joan Miró toma forma de danza e triunfa no Festival das Cóxegas
Por Diego Torrado |
-
Segunda xornada de 'Cóxegas' no Pazo da Cultura cunha boa dose de danza
Por Redacción |
-
'Simplicissimus', a primeira revista de variedades infantil, o domingo no Festival das Cóxegas
Por Redacción |
-
The Pinker Tones poñen música en Pontevedra ás aventuras polares de Rolf e Flor
Por Redacción & Cristina Saiz |
-
"Rolf & Flor" e The Pinker Tones, primeiros protagonistas do Festival das Cóxegas en Pontevedra
Por Redacción |
-
O Festival das Cóxegas, nova proposta cultural para o outono pontevedrés
Por Alejandro Espiño |