O Teatro Principal de Pontevedra volveu rexistrar este xoves unha magnífica entrada na última sesión do ciclo Ponteatro que mostrou durante os últimos meses algúns das mellores montaxes das compañías galegas.

Nesta ocasión, os  incombustibles e televisivos intérpretes Ernesto Chao e Patricia Vázquez, acompañados por Guillermo Carbajo, presentaban 'A canción  do elefante', un thriller psicolóxico no que un paciente e o seu doutor establecen un xogo dialéctico para tentar obter pistas sobre a desaparición doutro médico psiquiatra.

A obra da compañía Redrum Teatro está dirixida por Álex Sampayo e baseada no texto orixinal ' The elephant  song', de Nicolas  Billon. Esta montaxe mantén o suspense ao estilo das novelas de misterio, provocando tensión entre os espectadores ante a historia dun paciente obsesionado cos elefantes.

Pantalla completa