Amal en Ruta trae a Pontevedra un documental con perspectiva feminina sobre a guerra de Siria
Por Redacción
O Teatro Principal de Pontevedra proxectará este mércores 8 de setembro o documental For Sama, un filme desgarrador, narrado a modo de diario pola súa directora Waad al-Kateab, no que conta como foi nai nun hospital de Alepo no medio da guerra.
Será ás 21:00 horas dentro do ciclo de cinema euroárabe Amal en Ruta. A entrada é libre ata completar o aforo autorizado no recinto.
For Sama é unha carta de amor dunha nai á súa filla. Narra a historia da vida da súa propia directora Waad al-Kteab durante os cinco anos que durou o levantamento de Alepo. O seu namoramento, a súa voda e o nacemento e crianza da súa filla Sama, en plena guerra de Siria.
Waad é xornalista, cineasta e activista siria. A súa cobertura da guerra de Alepo gañou un premio Emmy internacional de actualidade e noticias. O seu documental, entre outros premios, recibiu o Prix L'Œil d'Or ao Mellor Documental no Festival de Cine de Cannes de 2019.
Relacionadas:
-
O ciclo Amal en Ruta continúa en Pontevedra cun documental sobre a vida en Gaza
Por Redacción |
-
A mirada cómica dun palestino sobre occidente, no ciclo Amal en Ruta
Por Redacción |
-
Unha oda ás mujeres marroquís inaugura o ciclo de cine euroárabe Amal en Ruta
Por Redacción |
-
Tres ficcións e dous documentais para "reflexionar" sobre a realidade árabe
Por Alejandro Espiño |