A mirada cómica dun palestino sobre occidente, no ciclo Amal en Ruta
Por Redacción
It must be heaven (De súpeto, o paraíso), unha longametraxe de ficción dirixida por un dos máximos expoñentes do cinema palestino, o director Elia Suleiman, será a película que se exhiba este xoves no Teatro Principal, dentro do ciclo de cinema euroárabe Amal en Ruta.
A entrada a esta sesión, que comezará ás 21:00 horas, será libre ata completar aforo.
En It must be heaven, o director Elia Suleiman, debido á nostalxia, viaxa por diferentes cidades do mundo buscando similitudes coa súa terra natal, Palestina.
No proceso de atopar un novo fogar, Suleiman dáse conta de que Palestina parece estar a lle perseguir alá onde vai. A esperanza dun novo comezo termina converténdose nunha comedia repleta de erros.
A película, traducida como De súpeto, o paraíso, recibiu o pasado ano mención especial e o Premio FIPRESCI no Festival de Cannes.
Foi ademais a coprodución elixida por Palestina como candidata a mellor filme internacional nos Óscar 2020.
Relacionadas:
-
O ciclo Amal en Ruta continúa en Pontevedra cun documental sobre a vida en Gaza
Por Redacción |
-
Amal en Ruta trae a Pontevedra un documental con perspectiva feminina sobre a guerra de Siria
Por Redacción |
-
Unha oda ás mujeres marroquís inaugura o ciclo de cine euroárabe Amal en Ruta
Por Redacción |
-
Tres ficcións e dous documentais para "reflexionar" sobre a realidade árabe
Por Alejandro Espiño |