Zahara amplía a súa xira de concertos e inclúe un na Sala Karma para o 12 de marzo
Por Alejandro Espiño
Pontevedra súmase á xira do último disco de Zahara. Farao cun concerto "especial e exclusivo", segundo destacan os seus promotores, que ofrecerá na Sala Karma o próximo 12 de marzo. É unha das actuacións incluídas no ciclo Vibra Mahou.
A artista decidiu crear o espectáculo Puta Gira: Drums & TV's, un novo formato no que o público vivirá unha experiencia audiovisual inmersiva.
Así, os espectadores poderán vivir máis de preto o que ocorre no escenario, sendo testemuñas directas da comunicación que se establece entre músicos e máquinas.
Tras levar o seu álbum Puta aos escenarios, Zahara sorprenderá aos seus fans con este novo formato de estética escénica renovada que rompe con todo o que a artista presentou da man do seu último disco, un dos traballos musicais máis aclamados de 2021.
Neste concerto tocará un set de percusión e sintes, e estará acompañada no escenario por Martí Perarnau IV, responsable de DJ, sintes e coros; e por Xavier Molero á batería.
Ademais de Pontevedra, este espectáculo ofrecerase noutras catro cidades españolas: Xixón, Salamanca, Villava (Navarra) e Cuenca.
As entradas para o concerto de Zahara en Pontevedra pódense adquirir xa a través da plataforma Wegow.
Relacionadas:
-
Zahara, un auténtico vendaval electrónico ao seu paso por Pontevedra
Por Alejandro Espiño |
-
Frans Banfield presenta un adianto do seu cuarto disco cun concerto en Pontevedra
Por Alejandro Espiño |
-
A xira por Galicia de Vagos fai escala este sábado en Sala Karma
Por Redacción |
-
Tres meses de concertos para celebrar os "16 menos 1" anos da Sala Karma
Por Alejandro Espiño |
-
Shinova e Sienna, en marzo na Sala Karma de Pontevedra
Por Alejandro Espiño |
-
O disco debut de María Yfeu soará en directo en Pontevedra
Por Alejandro Espiño |