Fin de festival co día máis 'Surfing' na Illa das Esculturas
Por Redacción & Cristina Saiz
Á terceira e última xornada, chegou o Surfing the Lérez máis 'surfing'.
Despois de dous divertidos días de concertos sorteando a choiva, o popular festival pontevedrés aproveitou este sábado a tregua meteorolóxica para reivindicar a súa esencia, chegando ao público máis familiar cunha romaría de diversión ao aire libre na súa privilexiada contorna, a Illa das Esculturas.
A actividade comezou xa ás 12.00 da mañá no escenario 'Bonobo', onde durante case oito horas desfilou o alumnado do centro demostrando os seus coñecementos musicais.
Pouco despois Copa Turbo inauguraba o escenario principal, polo que tamén pasarían Boyanka Kostova, Beti da Church (en substitución de Carlota Crey), Queco Lago, Elephants and Paw, Grande Amore e Terbutalina; complementados cun segundo escenario que comezou cunha animada sesión vermú con Playa Desmayo e Familia Caamagno para seguir con Kings of the beach, Berto, Cora Velasco e The Rapants.
Todo iso sen esquecer a programación infantil que achegaban 'Plant your future', 'Xogos paporrubio' e 'A Illa sen tesouro'.
De todo tivo o décimo aniversario do Surfing the Lérez, incluída unha proposición de matrimonio durante o concerto de Boyanka Kostova. O protagonista, logrou o si da súa parella, foi curiosamente un dos fillos do alcalde, Nacho Fernández. Felicidades para eles!
Relacionadas:
-
Surfing the Lérez repite por San Xoán e fixa o seu regreso para os días 22, 23 e 24 de xuño
Por Alejandro Espiño |
-
RADIO.- 'O mundo está derrotado' pero aquí están Familia Caamagno para levalo con rock e retranca
Por Marisa Ciordia |
-
O Surfing the Lérez celebra este venres o 30 aniversario de Heredeiros da Crus e a resurrección de Dismal
Por Redacción |
-
Música a todo trapo para un apoteósico inicio do festival Surfing the Lérez
Por Redacción & Mónica Patxot |
-
Surfing the Lerez contra vento marea ou choiva
Por Redacción |
-
Estes son os horarios do Surfing the Lérez
Por Redacción |
-
O Surfing the Lérez, primeira acción da campaña municipal para concienciar aos mozos sobre a Memoria Histórica
Por Redacción |
-
Tres días -con San Xoán incluído- para un Surfing the Lérez "exclusivamente galego"
Por Alejandro Espiño & Mónica Patxot |
-
O Surfing the Lérez apúntase ao San Xoán: regresa os días 23, 24 e 25 de xuño
Por Alejandro Espiño |