O labor de Antonio Fraguas de se mergullar na lembranza colectiva de Cotobade amósase nunha publicación
Por Redacción
Este xoves celebrábase a presentación oficial do libro que leva por título 'Na Lembranza dos veciños. Dispersos de Antonio Fraguas sobre as Terras de Cotobade', unha obra realizada por Clodio González Pérez, historiador, etnógrafo e biógrafo; e por secretario do Museo do Pobo Galego e da Fundación Antonio Fraguas, Francisco Javier Sanjiao Otero.
O acto estivo presidido polo alcalde de Cerdedo-Cotobade, Jorge Cubela, no Centro Cultural e Turístico Antonio Fraguas, situado en Carballedo, ante a presenza de numeroso público que acudía á presentación deste traballo sobre un home que, segundo os autores, dedicou moitos anos para recompilar, catalogar e estudar a sabedoría popular galega e, en particular, os recordos da veciñanza de Cotobade.
Clodio González destacou o carácter humilde e traballador de Fraguas co seu continuo labor de apuntar detalles e historias que lle contaban. Francisco Javier Sanjiao subliñou a capacidade do etnógrafo para mergullarse no recordo colectivo da veciñanza recuperando elementos da antropoloxía de Galicia.
En 2019 a figura de Antonio Fraguas fíxose moi popular ao dedicarlle o Día das Letras Galegas e, agora, con este libro recóllese unha selección de escritos e traballos do autor publicados en revistas e actas de congresos dedicados exclusivamente ás terras de Cotobade ou con gran información sobre este punto do municipio.
Relacionadas:
-
O I Encontro Tradicional Antonio Fraguas renderá homenaxe ás escolas de danza e gaitas de Carballedo
Por Redacción |
-
Presentan en Carballedo unha recompilación de textos de Antonio Fraguas sobre Cotobade
Por Redacción |
-
Cotobade dedica a Antonio Fraguas o seu novo centro cultural e turístico en Carballedo
Por Redacción |
-
Cotobade acolleu a presentación do libro "Na lembranza dos veciños", de Antonio Fraguas
Por Redacción |