'O Devalar do Monte Galego', unha mostra para poñer en valor o monte fronte ás macroinstalacións eólicas
Por Redacción
O alcalde de Pontevedra, Miguel Anxo Fernández Lores, recibiu este xoves unha representación dos promotores de 'O Devalar do Monte Galego', unha exposición sobre a proliferación de proxectos de parques eólicos na contorna da capital da provincia, que estará situada desde o venres pola tarde na rúa Daniel de la Sota.
Asistiron a esta recepción: Rosa Neutro, Anxo Cabana, Ángel Araújo, Carla Andrade, Cristina Abilleira e Carolina Fernández, representantes de colectivos de defensa do monte e artistas.
O título da mostra 'O devalar do monte galego' fai referencia ao autor Ramón Otero Pedrayo coa intención de mostrar a perda dos espazos naturais, o patrimonio e cultura de Galicia.
A exposición mostrará a perspectiva dos diferentes artistas gráficos que fotografaron a contorna do monte de Pontevedra na que se situarán parques eólicos.
Con esta mostra pretenden "visibilizar a riqueza que temos nos nosos montes e que se perderá coa instalacións destas macroinstalaciones eólicas" e tamén "ter unha mentalidade de país á hora de confrontar a problemática eólica".
Este venres, 9 de xuño, ás 20.30 horas, está prevista unha visita guiada pola exposición con Rosa Neutro. A mostra estará presente neste espazo ao longo de todo o mes.
Relacionadas:
-
ADEGA denuncia no xulgado o parque eólico Campo das Rosas ao afectar a especies en perigo de extinción
Por Redacción |
-
A Comunidade de Montes de Antas interpón un recurso de alzada contra o parque eólico de Monte Peón
Por Oskar Viéitez |
-
Adega abre dúas vías de crowdfunding para loitar contra os proxectos eólicos das Penizas e Touriñán III-2
Por Redacción |
-
Detectan petróglifos danados pola acción da maquinaria de construción do parque eólico do monte Acibal
Por Redacción |
-
Loita fotográfica ambiental fronte á ameaza eólica
Por Redacción |