PortAmérica, premiado como o festival español con maior sustentabilidade social
Por Alejandro Espiño
Un ano máis, o festival PortAmérica acabou sendo un dos grandes triunfadores da gala de entrega dos Premios Fest, celebrada onte á noite en Bilbao, os premios que recoñecen anualmente aos mellores festivais de música que se organizan en España.
PortAmérica, todo un veterano nestes premios, xa gañara en anos anteriores o premio ao mellor festival de mediano formato (2022), á mellor zona de restauración (2015, 2017, 2018 e 2022), á mellor campaña de comunicación (2018) e á mellor activación de marca (2018).
Pero, nesta ocasión, os Premios Fest recoñeceron o labor do festival que a compañía Esmerarte organiza en Portas outorgándolle o galardón na categoría de sustentabilidade social.
Entre outras accións, o premio recoñece a aposta de PortAmérica por crear un espazo de lactación e unha zona infantil con actividades adaptadas para nenos, por contratar a mulleres con discapacidade intelectual ou por estar establecer aseos sen distinción de xénero.
Ademais, continuaron coa iniciativa das barras feministas, designando cada unha con nomes de mulleres destacadas, instalouse un punto morado e organizáronse brigadas violetas para previr a violencia contra a muller.
PortAmérica tamén se involucrou á comunidade próxima ao recinto: os pequenos da escola de educación infantil A Galiña Azul e os usuarios da residencia de maiores de Portas deseñaron os carteis dos camerinos, e tamén participaron na reforestación anual.
SONRÍAS BAIXAS E SINSAL, SEN PREMIOS
Outros dous festivais das Rías Baixas foran nomeados na décima edición dos Premios Fest, o SonRías Baixas de Bueu e o Sinsal de Redondela. Pero, desafortunadamente, ambos quedaron ás portas de recibir un destes galardóns.
SonRías Baixas, celebrado en agosto en Bueu, estaba entre os tres finalistas dos Premios Fest 2023 na categoría de festivais de pequeno fomato. Os outros dous nomeados eran a xixonés Metrópole e o madrileño Tomavistas. Este último foi o gañador.
O Sinsal, que volveu converter a illa de San Simón é un marco incomparable para un evento musical, optaba a tres premios área de innovación, sustentabilidade social e sustentabilidade ambiental, pero non conseguiu facerse con ningún.
Relacionadas:
-
Juanes, Ilegales, León Benavente, Besmaya e Guadi Galego, novos artistas para o PortAmérica 2024
Por Alejandro Espiño |
-
Aitana, Arde Bogotá e Vetusta Morla, entre os cabezas de cartel de PortAmérica 2024
Por Alejandro Espiño |
-
PortAmérica fixa as datas para a súa edición de 2024: os días 4, 5 e 6 de xullo
Por Alejandro Espiño |
-
O festival SonRías Baixas, finalista dos Premios Fest
Por Redacción |
-
Milleiros de persoas vibran ao ritmo da segunda xornada do PortAmérica
Por Cristina Saiz & Redacción |
-
Quique González, Deluxe, Guitarricadelafuente, Ysy A e Second abren por todo o alto un novo PortAmérica
Por Alejandro Espiño & Cristina Saiz |