O deporte pontevedrés xoga á Lotería de Nadal
Por Diego Espiño
Como cada ano, o 22 de decembro e o tradicional Sorteo Extraordinario de Nadal da Lotería Nacional marca o inicio das festas, repartindo ilusión por milleiros.
Non escapa a iso o deporte pontevedrés. Non en balde a maioría de entidades deportivas da cidade vendeu nas últimas semanas participacións para o sorteo, en parte para recadar fondos para custear a tempada pero tamén coa esperanza de alegrar o nadal a xogadores, familias e afeccionados repartindo algún que outro premio. Pero, a que número xoga cada club pontevedrés?.
O Pontevedra Club de Fútbol, por exemplo, apostou este ano polo número 34.486, vendendo participacións nos bares e oficina de Pasarón así como en diversos locais colaboradores.
LOTERÍA DE NADAL | Xa chegou a Pasarón a Lotería de Nadal do Pontevedra CF
— Pontevedra CF (@PontevedraCFSAD) November 3, 2023
Imos con todo ao número para que este ano se reparta sorte entre todos os granates
Faite coa tua participación nos seguintes locais
Outros números son:
- Club Cisne Balonmano: 58.862
- Sociedad Deportiva Teucro: 55.949
- Sociedad Gimnástica: 71.570
- Club Baloncesto Arxil: 44.560
- Leis Pontevedra FS: 81.280
- Club Galaico Sincro: 44.102
- Tríatlon PC Rías Baixas: 71.469
Son só algunhas mostras das entidades deportivas pontevedresas, porque non todas xogan á Lotería ou non compartiron publicamente o número da súa participación, pero á lista súmanse clubs de base que si o fixeron por exemplo o Salgueiriños (79.011) ou a EF Portero 2000 (74.682).
Tamén os hai que apostan pola Lotería do Neno do día 6 de xaneiro, como o Club Waterpolo Pontevedra cos números 47.781 e 50.034.