Dobrete de Guèye para remontar á UD Ourense e sumar tres puntos de ouro para o Pontevedra B
Por Diego Espiño
Gran inicio de 2024 para o Pontevedra B, cun triunfo vital que lle permite achegarse á zona de permanencia na Terceira RFEF, conseguido ademais ante un dos aspirantes ao ascenso como a UD Ourense e remontando nos minutos finais.
Libasse Guèye foi o gran protagonista do encontro, ao lograr os dous goles que lle deron os tres puntos ao filial, o segundo a tres minutos do final cun bonito disparo ao ángulo.
Antes diso o encontro disputado no campo da Seca, en Poio, parecía ter unha clara cor visitante, e é que tras un inicio de tenteo e alternancias no xogo a UD Ourense adiantouse pronto no marcador co gol de Antón aos 19 minutos, tras un servizo de Corzo.
O tanto foi un golpe para os de Jesús Ramos, que estiveron preto de encaixar o segundo nos seguintes minutos, pero que se repuxeron cun par de chegadas antes do descanso.
Xa na segunda metade o Pontevedra B deu un paso á fronte para buscar a igualada, chegando con máis frecuencia ao área contraria e poñendo en apertos o cadro visitante, que tamén puido encarrilar o duelo nun centro lateral que tocou nun defensor e acabouse estrelando na madeira.
Salvouse o filial e o que chegou foi a igualada. Era o minuto 83 e Guèye atopaba premio facendo xustiza co 1-1.
Non quedou aí o equipo granate, que seguiu inisitiendo ata que no 87 chegou o definitivo 2-1, de novo dun Libasse que redondeaba así o mellor partido desde o seu regreso a Pontevedra para xogar co segundo equipo.
Aínda puido marcar o Ourense no desconto, xa a desesperada, pero os de Jesús Ramos resistiron para quedar cun triunfo que revitaliza as súas opcións de permanencia en categoría.
Relacionadas:
-
Goleada do Viveiro ao Pontevedra B nun duelo clave pola permanencia (5-1)
Por Redacción |
-
O Arteixo sentencia o Pontevedra B no primeiro tempo (0-2)
Por Redacción & Cristina Saiz |
-
Libasse Guèye entra en dinámica do primeiro equipo
Por Diego Espiño |
-
Guèye empeza a desequilibrar na Terceira RFEF
Por Diego Espiño |
-
Dous goles en dous minutos para volver sumar de tres
Por Redacción & Cristina Saiz |
-
O Pontevedra B empata en Alondras e xa van dúas xornadas seguidas puntuando
Por Redacción |
-
Remontada do Paiosaco contra un Pontevedra B que acabou con dez (1-3)
Por Redacción |
-
O Bergantiños dobrega o Pontevedra B na segunda metade (2-0)
Por Redacción |
-
O Pontevedra B neutraliza o Arosa (0-0)
Por Redacción & Cristina Saiz |