Empate do TM Monte Porreiro fronte ao Irún para arrancar o ano na Superdivisión masculina
Por Diego Espiño & Cristina Saiz
Repartición de puntos para o Tenis de Mesa Monte Porreiro na súa primeira xornada de 2024 da Superdivisión Masculina.
O conxunto pontevedrés recibía para iniciar o ano no pavillón de Príncipe Felipe o Irún Leka Enea, e facíao afectado pola baixas de homes importantes como Nico Galvano e André Silva, que obrigaba a recorrer a un home da casa como Nacho Fernández.
A pesar das dificultades, o Visit Pontevedra puxo o encontro ao seu favor co triunfo inicial en cinco mangas de Martín Betancor sobre o visitante Petyo Krastev. Nacho Fernández cedía despois no seu primeiro enfrontamento, pero Miguel Ángel Vílchez e de novo Martín Betancor aseguraban canto menos o empate vencendo a continuación e colocando o 3-1.
Faltaba un punto máis e Vílchez rozouno nun competido partido contra Petyo Krastev, pero esta vez a moeda saíu cruz no desempate e o Irún terminou empatando o duelo co triunfo de Jon Guerricabeitia no choque final fronte a Nacho Fernández.
Ao final repartición de puntos que, iso si, permite ao Monte Porreiro conservar o seu terceiro posto na clasificación da máxima categoría, aínda que empatado a puntos co propio Irún e co Arteal compostelán.
Relacionadas:
-
Importante triunfo do TM Monte Porreiro fronte a L'Escala para recuperar o ritmo na Superdivisión
Por Redacción |
-
Táboas para o TM Monte Porreiro na súa visita ao Collado Mediano
Por Diego Espiño |
-
O TM Monte Porreiro morre na beira fronte a Les Borges Vall (2-4)
Por Diego Espiño |
-
Vitoria do TM Monte Porreiro para manterse na terceira praza da Superdivisión masculina (4-2)
Por Redacción & Cristina Saiz |
-
O TM Monte Porreiro supera o Hortitec Alzira e despide o ano en terceira posición (0-4)
Por Redacción |
-
Éxito organizativo e de medallas para o TM Monte Porreiro no Preestatal de tenis de mesa
Por Almu Dapena & Cristina Saiz |
-
Adeus á aventura europea do TM Monte Porreiro: o Arteal leva o pase á seguinte rolda da Europa Trophy Cup
Por Redacción & Mónica Patxot |
-
O TM Monte Porreiro curta a súa mala serie vencendo o CTT Olot (4-2)
Por Diego Espiño |
-
Segunda derrota consecutiva dun TM Monte Porreiro 'tocado' pola grave lesión de Nico Galvano
Por Diego Espiño |