Bandeira de saída para a tempada 36 do Froiz no pelotón nacional
Por Redacción
É un clásico dentro do pelotón español, e ten corda para longo. O Grupo Deportivo Supermercados Froiz protagoniza esta semana a súa tradicional concentración de inicio de curso para a que será a súa 36 tempada no circuíto nacional.
A escuedra pontevedresa é a segunda máis lonxeva de todo o ciclismo español, e volverá defender as súas cores nas mellores carreiras do calendario elite e sub-23, empezando por unha Copa de España que sempre aparece como un dos principais obxectivos e que arrinca xa o próximo 25 de febreiro co Circuito do Guadiana, na localidade estremeña de Don Benito.
O equipo alimienticio dirixido por Evaristo Portela viuse obrigado un ano máis a reinventarse, apostando por talento novo tras a marcha de homes importantes como o chileno Vicente Rojas, promocionado a profesionais co conxunto italiano Green Project-Bardiani CSF-Faizanè.
Durante estas xornadas de convivencia, que arrincaron o pasado martes 13 de febreiro, os ciclistas do Froiz realizaron adestramentos en grupo polas Rías Baixas.
O colofón á concentración será a presentación oficial do equipo, prevista para este venres 16 de febreiro cun acto na Deputación de Pontevedra.
Relacionadas:
-
Satisfacción no Froiz co traballo do equipo na Volta a Estremadura
Por Redacción |
-
O Froiz empeza a asomar a cabeza na Copa de España
Por Redacción |
-
O Froiz presenta un equipo novo e renovado con grandes aspiracións
Por Almu Dapena & Mónica Patxot |
-
Talento novo para a reconstrución do Supermercados Froiz
Por Redacción |
-
O Supermercados Froiz de Ciclocrós, a por unha tempada "con moitas posibilidades" de éxito
Por Almu Dapena & Mónica Patxot |
-
Dous ciclistas do Froiz, a proba con equipo profesional portugués Tavfer Ovos Matinados Mortagua
Por Redacción |
-
Vicente Rojas, do Froiz ao equipo profesional italiano Bardiani
Por Redacción |