Un reto solidario completa o medio maratón Maralba entre O Grove e Cambados
Por Redacción
O medio maratón Maralba Running Fest, que unirá O Grove e Cambados o próximo 28 de setembro, completarase cun reto solidario no que participarán algúns dos deportistas máis destacados de Galicia.
Formaranse para a ocasión dous equipos de cinco integrantes que deberán completar os pouco máis de 21 quilómetros de percorrido.
Os minutos que cada equipo tarde en chegar á meta converteranse en quilos de comida que Gadis doará aos centros de Cáritas de Cambados e O Grove.
No caso de que os protagonistas consigan rematar por debaixo das dúas horas, a cifra de quilos multiplicarase por dous.
O primeiro dos equipos estará composto pola nadadora olímpica Bea Gómez Cortés, o maratoniano Manuel Hurtado, o atleta veterano Manuel Rosales, o cociñeiro Javier Olleros e o alcalde do Grove, Miguel Ángel Pérez.
Pola súa banda no segundo grupo formarán o campión olímpico David Cal, o ciclista Gustavo César Veloso, a xogadora de baloncesto Sara Gómez, a atleta veterana Esther Pedrosa e o alcalde de Cambados, Luis Aragunde.
Todos os relevistas afrontarán unha posta de cinco quilómetros, a excepción dos rexedores, que realizarán o último relevo de 1.097 metros.
Relacionadas:
-
Boa estrea do medio maratón Maralba con Manuel Hurtado e Vanessa Veiga como vencedores
Por Redacción |
-
628 inscritos para a primeira edición do Maralba Running Fest
Por Redacción |
-
Vanessa Veiga e Manuel Hurtado, principais figuras do primeiro medio maratón Maralba
Por Diego Espiño |
-
VIDEO.- Albariño, marisco e deporte únense na promoción do medio maratón entre O Grove e Cambados
Por Redacción |
-
O primeiro medio maratón 'Maralba' entre O Grove e Cambados inicia a súa conta atrás
Por Redacción |
-
O medio maratón entre O Grove e Cambados celebrarase finalmente o 28 de setembro
Por Redacción |