Negociación aberta con Ironman para organizar na cidade un 70.3
Por Diego Espiño
Hai un ano, na firma do acordo de patrocinio con Javi Gómez Noya, o alcalde de Pontevedra anunciou que os plans do goberno local era seguir avanzando na súa aposta polo tríatlon organizando nunha proba de media distancia.
Agora, Miguel Anxo Fernández Lores confirmou que xa negocian coa empresa Ironman para acoller na cidade un carreira 70.3 (1,9 quilómetros de natación, 90 quilómetros de ciclismo e 21,1 de carreira a pé).
"Xa iniciamos conversas", explicou o rexedor da capital, grazas á mediación de Gómez Noya coa intención de "se puideramos organizalo en 2017 ou 2018".
De todos os xeitos estas negociacións atópanse aínda nunha fase inicial, recoñece Lores, á espera de concretar as condicións económicas para a súa celebración.
Ademais da repercusión que unha proba desta entidade tería en Pontevedra, o alcalde recoñeceu que o salto cara a un medio Ironman faise tamén "pensando que Javi pasará á media distancia".
Actualmente en España só Barcelona, Mallorca e Lanzarote acollen probas de categoría Ironman 70.3, mesmas localidades que contan con carreiras de longa distancia da franquía Ironman.
Relacionadas:
-
Pontevedra será en 2019 a capital mundial do tríatlon
Por Diego Espiño |
-
Brillante quinto posto de Saleta Castro no Ironman de Malaisia
Por Diego Espiño |
-
Novo éxito de Saleta Castro na media distancia: terceira no Ironman 70.3 de Lanzarote
Por Redacción |
-
Nova xesta de Javi Gómez Noya: tras varios días enfermo queda terceiro no Mundial de Ironman 70.3
Por Alejandro Espiño |
-
Un medio Ironman, próximo paso na aposta de Pontevedra polo tríatlon
Por Alejandro Espiño |