Memorias de ascensos e grandes batallas granates no Teatro Principal
Por Redacción
O Teatro Principal acolleu este martes a primeira das charlas enmarcadas nos actos de celebración do 75 aniversario do Pontevedra Club de Fútbol.
Foi ademais a charla con máis carga histórica sobre a entidade granate, coa presenza dalgunhas figuras crave nos ascensos do equipo ao longo dos anos e tamén de malos momentos.
É o caso de Milucho, que foi xogador, adestrador e chegou mesmo a administrar o club cando non contaba con directiva. Milucho representaba na charla o ascenso de 1984, pero alí estaban tamén Tito Estévez (ascenso de 1960), Ceresuela e Calleja (1963), Luís Rivas (1976) e José Aurelio Gay (2004), ademais da actual presidenta, Lupe Murillo, e o moderador Xabier Fortes.
Os coloquios sobre fútbol e o Pontevedra terán continuidade ata o venres, comezando este mércores (20:00 horas) cun diálogo sobre 'fútbol e literatura' entre o xornalista Manuel Jabois e Jorge Valdano.
Pola súa banda o xoves os protagonistas serán o ex-seleccionador nacional Vicente Del Bosque e o médico do combinado nacional, con pasado no Pontevedra, Juan Cota. Mentres o venres será a quenda dos xornalistas deportivos Santiago Segurola, Roberto Palomar e Ramón Besa.
Relacionadas:
-
Falece Marcelino, outro dos heroes granates da Puentecilla
Por Ramiro Espiño |
-
O Pontevedra, a poñer a guinda ao seu aniversario gañando ao Lealtad
Por Diego Espiño |
-
Vicente Del Bosque, a sinxeleza no mundo do fútbol
Por Redacción |
-
Jorge Valdano e a literatura do fútbol
Por Redacción |
-
5,5 millóns de cupóns da ONCE para conmemorar o 75 aniversario do Pontevedra
Por Diego Espiño |
-
75 anos de paixón polo Pontevedra
Por Diego Espiño & Mónica Patxot |
-
O Pontevedra presenta o calendario de actos do seu 75 aniversario
Por Diego Espiño |