O Teucro fortalece o vínculo cos seus patrocinadores
Por Diego Espiño
"Ideas & Empresa". Así se bautizou o proxecto que a Sociedad Deportiva Teucro acaba de poñer en marcha e co que busca aumentar a fidelización dos seus patrocinadores.
Trátase dunha plataforma que pretende facilitar as sinerxias e interaccións entre as empresas e administracións que apoian ao club pontevedrés co obxectivo de favorecer as oportunidades de negocio e fomentar o crecemento, tanto da entodade como das empresas que lle acompañan no camiño.
Ao acto, celebrado na Sala Nemonon de Pontevedra, estaban convidados os aproximadamente 40 apoios do Teucro, a maioría empresas privadas pero tamén entidades colaboradoras e organismos e administracións públicas.
Entre os apoios institucionais, estaban representadas as tres institucións públicas coa Secretaria Xeral para o Deporte da Xunta de Galicia, Marta Míguez, o deputado provincial Carlos López Font e a concelleira de Deportes, Anxos Riveiro.
CONVOCATORIA DE ELECCIÓNS
Noutra orde de cousas, o Teucro convocou para o vindeiro luns 3 de decembro unha asemblea extraordinaria para concretar as próximas eleccións á presidencia da entidade.
O encontro de socios terá lugar no salón de actos da residencia de estudantes de Afundación (20:00 horas primeira convocatoria e 20:30 horas en segunda) con dous únicos puntos na orde do día, a aprobación do regulamento electoral e a aprobación do calendario do proceso.
Relacionadas:
-
Derrota esperada do Teucro en Barcelona nun partido de puro trámite (41-26)
Por Redacción |
-
O Teucro abre o seu proceso electoral á presidencia
Por Diego Espiño |
-
Mal día na oficina para o Teucro ante o Atlético Valladolid (25-31)
Por Diego Espiño & Diego Torrado |
-
Os problemas físicos, unha dor de cabeza para o Teucro ante a fase máis cargada do calendario
Por Diego Espiño |
-
O Teucro dá a sorpresa e consegue dous puntos vitais en Cuenca (31-32)
Por Redacción |