Jony, del Antela, amarga la jornada al Marcón Atlético (3-0)
Por Redacción
Unha das peores xornadas da tempada para o Marcón, que perdeu ante o último de Preferente, o Antela, na Moreira. Foi Jony o protagonista do partido, que amargou a xornada aos pontevedreses anotando os tres goles dos locais e do encontro. Así, os de casa suman sete derrotas no que vai de curso, pero, quizá, sexa esta última a máis dolorosa para o equipo (3-0).
O primeiro dos tres goles chegou no 32' da primeira parte, conseguindo irse xa vencedor ao descanso o Antela (1-0). Os dous seguintes foron anotados no 65' e 72', alzándose así vencedores os de Limia.
Consulta a acta do Antela-Marcón Atlético.
A situación que atravesa o Villalonga non é, nin moito menos, a mellor dos últimos anos. Tanto é así, que esta fin de semana, ante a Juvenil, ascendeu ata as 10 xornadas sen coñecer a vitoria (tan só dous empates). Pola súa banda, os de Ponteareas continúan na parte media da táboa dando pequenos pasos.
A primeira parte do encontro estivo moi igualada en San Pedro. Mostra disto é que o marcador sinalaba o 0-0 cando chegou o descanso. Tras o paso polos vestiarios, os visitantes sobrepuxéronse e conseguiron o 0-1 grazas a unha acción de Chema no 7' da segunda metade.
Consulta a acta do Villalonga-Juvenil.
Así mesmo, ao Xuventú Sanxenxo continúa resultándolle complicado manter unha boa racha, xa que esta fin de semana perdeu ante o Pontellas, segundo clasificado, polo momento, de Preferente. Desta forma, os pontevedreses ascenden á súa cuarta derrota desde o comezo da tempada.
O primeiro dos tres goles visitantes chegou no 31' da primeira metade de man de Alberto Barreiro. Desta forma, os de Porriño fóronse ao descanso cun tanto de vantaxe. Tras os minutos de descanso, o resultado do partido parecía estar decidido. Sen embargo, no 84', Yago anotou o 0-2 e, a un do final do choque, o definitivo 0-3.
Consulta a acta do Xuventú Sanxenxo-Pontellas.
Pola súa banda, o Beluso conseguiu este sábado a súa oitava vitoria ante o USD O Grove, penúltimo da táboa. A pesar de que os tres puntos fóronse para Bueu, o partido estivo a piques de rematar en táboas, xa que a igualdade foi notable ata o minuto 73, no que Julio marcou o tanto da vitoria. Ante esta vantaxe, os do Grove xa non puideron facer nada.
Así, os locais suman a súa undécima derrota desde o comezo da tempada, o que lles obriga a cambiar a súa dinámica para as próximas xornadas para abandonar a zona de descenso.
Consulta a acta do USD O Grove-Beluso.
O Amanecer perdeu ante o Velle despois de dúas vitorias consecutivas. Pola súa banda, o cadro ourensán gañou tras tres xornadas sen vitoria. O único gol do partido chegou no 28' da primeira metade grazas a unha acción de Salgueiros, índose así xa coa vantaxe ao descanso. Na segunda parte non se produciron cambios e a igualdade fou a tónica do xogo.
Consulta a acta do Velle-Amanecer.
O Juventud Cambados, actual líder de Preferente, conseguiu sumar a súa cuarta vitoria consecutiva (10 en total) ante o Alertanavia, que, pola súa banda, leva 6 xornadas consecutivas sen puntuar.
O autor do gol dos pontevedreses foi Grego aos 15 minutos do inicio da primeira metade do partido. A partir de aí, os locais xa non foron quen de igualar o marcador, co que o Alertanavia continúa nunha posición moi próxima ao perigo.
Relacionadas:
-
O Marcón Atlético empata sen goles ante a Unión Deportiva Atios
Por Redacción |
-
O Marcón Atlético gaña ante o Velle no Carrasco (2-0)
Por Sofía Lorenzo |
-
O Marcón salva un punto 'in extremis' e arranca un empate ante o Unión O Grove (1-1)
Por Redacción |
-
O Marcón cae por goleada ante o CD Moaña (4-0)
Por Redacción | Creada e actualizada