María Vilas e Carla Goyanes, bronces no Campionato de España de Longa Distancia
Por Almu Dapena
O Club Natación Galaico Pontevedra regresou de Mataró con boas sensacións tras celebrarse esta fin de semana o Campionato de España de Longa Distancia. Nel contou coa representación de María Vilas, Carla Goyanes e Álex Lages.
Demostrando un gran nivel e realizando un magnífico campionato, Vilas e Goyanes volveron a casa con medalla de bronce nos 5.000 metros. María Vilas foi terceira na categoría senior cun tempo de 57:16.61, quedando a 1.06 do primeiro posto logrado por Mireia Belmonte, mentres que Carla Goyanes lograba a mesma posición na categoría Júnior 2 marcando un tempo de 1:01:37.52.
Na modalidade masculina Júnior 2, Álex Lages tamén realizou unha moi boa marca quedando en sétimo lugar cun tempo de 58.54.44.
Campionato Galego Infantil-Júnior de Ourense
En paralelo ao Campionato de España, o Galaico tamén competiu no Campionato Galego Infantil-Júnior de Inverno celebrado en Ourense de onde regresaron con 15 medallas na modalidade de equipos, catro de ouro, sete de prata e catro de bronce, ademais de obter marcas mínimas para participar no próximo Campionato de España.
O equipo Júnior finalizou terceiro e o Infantil sétimo realizando un traballo notable nas tres xornadas que durou a competición.
Relacionadas:
-
Carla Goyanes clasifícase para o Europeo Júnior de natación en augas abertas
Por Redacción |
-
Carla Goyanes e María Vilas viaxan a Francia co equipo nacional de natación en augas abertas
Por Redacción |
-
Cinco deportistas representarán o Galaico no Campionato de España Open de Natación
Por Redacción |
-
Alicia Bouzas defende o pavillón do Galaico no Campionato de España Infantil de inverno
Por Redacción |
-
Boas sensacións de Carla Goyanes na Copa do Mundo de Doha de natación en augas abertas
Por Redacción |
-
Nova experiencia para Carla Goyanes na Copa do Mundo de natación en augas abertas
Por Redacción |