A Raña volverá saborear a LEB Ouro o 4 de outubro coa visita do Cáceres
Por Manu Otero
Dous anos e medio despois de despedirse da segunda categoría do baloncesto nacional, o Peixe Galego volverá saborear a LEB Ouro. Farao o próximo 27 de setembro en Valladolid, polo que a afección terá que esperar unha semana máis para volver gozar do seu equipo. Será o 4 de outubro cando recibirán ao Cáceres na segunda xornada de liga.
Como ocorreu hai tres tempadas, a antesala da ACB volverá falar galego con catro equipos na categoría, un de cada provincia. O primeiro derbi que afrontará o cadro da Raña chegará na xornada 6, que se disputará o 29 de outubro e traerá ao templo marinense ao Leyma Coruña. A Lugo viaxarán os azuis o 22 de novembro para medirse ao Leite Río Breogán, mentres que o partido contra o Club Ourense será unha semana máis tarde na cancha do Morrazo.
A última xornada, na que o equipo que dirixe Javi Llorente soña con celebrar a permanencia na categoría, disputarase o 8 de maio e o Peixe Galego terá que desprazarse a Alacante.
Coa continuidade do corpo técnico asegurada e as fichaxes do base de Chantada, Carlos Noguerol, e o á pivote canario, Jacobo Díaz, confirmados, desde as oficinas da Raña continúan traballando para poñer ao dispor de Javi Llorente un persoal que poida competir pola permanencia.
Relacionadas:
-
O estadounidense Sounders reforza o xogo exterior do Peixe Galego
Por Manu Otero |
-
O dominicano Joel Hernández, sétima peza para o proxecto do Peixe Galego en LEB Ouro
Por Redacción |
-
Badmus renova co Peixe Galego para xogar a tempada en LEB Ouro
Por Sofía Lorenzo |
-
O Peixe Galego faise coa cesión do ourensán Rodrigo Seoane
Por Diego Espiño |
-
O Peixe Galego aposta polo ala pívot canario Jacobo Díaz
Por Redacción |
-
Carlos Noguerol é a primeira fichaxe do Peixe para a tempada en LEB Oro
Por Manu Otero |
-
O Peixe Galego ultima fichaxes e renovacións tras confirmar a súa presenza en LEB Ouro
Por Manu Otero |