Prata para Tania Álvarez e un segundo ouro para Tono Campos na última xornada do Mundial de Maratón
Por Almu Dapena
O Campionato do Mundo de Maratón de piragüismo de China chegou á súa fin e o protagonismo galego quedou reflectido nas seis medallas conseguidas do total das nove españolas.
Nesta última xornada disputada durante a madrugada do sábado, Tono Campos e Diego Romero proclamáronse campións do mundo na proba de C-2, o que supuxo a terceira medalla para Campos e a segunda para Diego neste Mundial.
Pola súa banda, a grovense Tania Álvarez xunto coa súa compañeira Tania Fernández, proclamáronse subcampioas do mundo de maratón en K-2. Durante a proba de case 26 quilómetros de percorrido, as galegas chegaron a ser líderes, pero a embarcación das húngaras Zsofia Czellai-Voros e Renda Csay foi superior e finalmente levaron o ouro cunha diferenza de tan só tres segundos.
En K2 masculino, o pontevedrés Jaime Sobrado xunto co tudense Iván Alonso, quedaron ás portas do podio ao finalizar en cuarto lugar; Óscar Graña e Pedro Areal, tamén do Kayak Tudense, foron quintos en C-2 confirmando a súa experiencia neste tipo de competicións e Manuel Garrido, aspirante ao podio, quedou preto de conseguir o desafío pero finalizou cuarto na especialidade de C-1.
Con este Mundial de maratón péchase a tempada de competicións oficiais e comeza o adestramento para a próxima tempada.
Relacionadas:
-
Reto mundialista en Romanía para a armada pontevedresa de piragüismo maratón
Por Redacción |
-
A Federación Española de Piragüismo galardoa a Tono Campos pola súa exitosa tempada
Por Redacción |
-
Tono Campos, distinguido como mellor deportista masculino nos Premios Deporte Galego
Por Redacción |
-
Ouro para Tono Campos e bronce para Pablo Crespo e Diego Piñeiro no Mundial de Maratón
Por Almu Dapena | Creada e actualizada
-
Os arousáns Diego Romero e Tono Campos asinan o primeiro dobrete para España no mundial de maratón
Por Manu Otero |
-
A expedición pontevedresa e arousá xa está en China para o mundial de piragüismo maratón
Por Manu Otero |