O Ismai de Portugal vence o Cisne no XXVI Memorial Manuel Luaces (26-35)
Por Redacción & Diego Torrado
Con motivo da concentración da Selección Española Júnior e o aprazamento da partida fronte ao Alcobendas previsto para esta fin de semana, o Cisne decidiu non cesar a súa actividade e celebrar o XXVI Memorial Manuel Luaces.
O Centro Galego de Tecnificación Deportiva abriuse este sábado para disputar o encontro entre o Cisne e o Ismai, conxunto de Portugal que compite en Primeira División. Ademais, a tarde completouse cos partidos das categorías prebenjamín, benjamín e alevín do equipo pontevedrés.
Con respecto ao encontro do primeiro equipo, este decantouse para os portugueses, que foron claramente superiores e venceron por 26-35 a un Cisne no que destacaron Pablo Gayoso e Daniel Ramos, marcando 7 goles cada un. O resto de tantos do conxunto de Pontevedra anotáronos Daniel Chapela (4), Andrés Sánchez (3), Bruno Vázquez (2), Javi Vázquez (1), Dani López (1) e Pablo Picallo (1).
A pesar do resultado, o duelo serviu aos de Jabato para recuperar sensacións para os dous partidos da próxima semana, ambos ante a súa afección. O primeiro será a aprazada fronte ao Torrelavega (sexto clasificado), que se celebrará o mércores 15, mentres que o segundo será o sábado 18 contra o Bordils (décimotercer clasificado).
En canto ao encontro ante o Alcobendas, xa hai data. Será o mércores 18 de marzo no municipio madrileño.
Relacionadas:
-
A vida segue igual para o Cisne, que vence con claridade o Torrelavega e é máis lider (27-21)
Por Manu Otero & Cristina Saiz |
-
O líder volve á competición para defender o trono de prata
Por Manu Otero |
-
España cita o cadete do Cisne, Rubén Sequeiros, para unha concentración xuvenil en Sierra Nevada
Por Manu Otero |
-
O Ismai portugués, rival do Cisne no Memorial Luaces tras o aprazamento do partido de liga en Alcobendas
Por Redacción |
-
Álvaro Preciado, convocado pola Selección Española Júnior para o Torneo IV Nacións
Por Redacción |
-
O Cisne 'esmaga' o Zarautz e segue líder (33-22)
Por Almu Dapena & Diego Torrado |