A Escola Xadrez apúntase a vitoria no amigable de categoría benjamín fronte ao Magic Extremadura
Por Redacción
O xadrez non para polo coronavirus. A pandemia obriga a pospoñer campionatos e eventos presenciais pero os xogadores da Escola Xadrez Pontevedra seguen adestrando e competindo a distancia. A pasada fin de semana tivo lugar o primeiro encontro de confraternidade de categoría benjamín entre o cadro galego e o Magic Extremadura.
O encontro, que puido seguirse en directo a través do portal de xadrez online Playchess. com, enfrontou a oito xogadores de cada equipo e decantouse ao lado pontevedrés, que gañou a primeira manga por 5 a 3, mentres que a segunda acabou en empate a catro, polo que xa non foi necesario disputar unha terceira de desempate.
A cita concluíu cun torneo de rápidas no que participaron 56 alumnos da Escola Xadrez Pontevedra, do Magic Estremadura e doutros lugares de España. Unha tarde de diversión e entretemento á que lle puxeron o broche de ouro co ineludible aplauso das 20 horas.
Relacionadas:
-
O coronavirus deixa a Pontevedra sen as súas clásicas partidas multitudinarias de xadrez na rúa
Por Manu Otero |
-
A Escola Xadrez representará a España no Encontro Internacional de Confraternidade contra Uruguai e Arxentina
Por Redacción |
-
O xadrez, único deporte que burla ao coronavirus
Por Redacción |