A Gimnástica viaxa a Sevilla con aspiracións de medalla no Campionato de España Sub 23
Por Redacción
Os atletas da Sociedade Gimnástica desprazaranse esta fin de semana a Sevilla para participar no Campionato de España sub 23. Diego Casas, Antía Chamosa e Andrea González son tres dos atletas do conxunto pontevedrés clasificados para esta cita que chegan nun óptimo estado de forma e con aspiracións de subirse ao podio.
A recentemente proclamada campioa de España absoluta de marcha, Antía Chamosa, será a encargada de inaugurar o concurso dos atletas ximnásticos ao tomar a saída ás 10.30 horas do sábado da carreira dos 10.000 metros marcha. Logo será a quenda das lanzadoras de xavelina Andrea González e Claudia Puig. A primeira chega coa segunda mellor marca da listaxe de participantes.
Pola súa banda, Puig competirá tamén ao día seguinte no lanzamento de disco. Disciplina que comparte co seu compañeiro Diego Casas, proclamado subcampión individual no nacional de federacións autonómicas da pasada fin de semana e que chega á cita sevillana coa mellor marca de todos os participantes.
Xa na xornada dominical, Lucía Ferrer pechará a participación da Gimnástica coa participación nos 100 metros valos, carreira á que chega clasificada de forma directa para a final.
Relacionadas:
-
Ouro para Antía e prata para Daniel Chamosa no Campionato Galego de Marcha en Pista
Por Redacción & Cristina Saiz |
-
Antía Chamosa, da Gimnástica, prata no Nacional Sub23 celebrado en Sevilla
Por Redacción |
-
Dous atletas da Gimnástica conquistan o nacional de federacións autonómicas
Por Redacción |
-
Nove atletas da Gimnástica competiron no Campionato de España celebrado en Madrid
Por Redacción |
-
Ouro para Antía Chamosa e prata para Jean Marie Otuku no Campionato de España de Atletismo
Por Almu Dapena |