Romper o teito histórico do club, un soño para o Cisne xuvenil na fase final do Campionato de España
Por Redacción
Meterse entre os oito mellores equipos do estado é xa todo un éxito para o equipo xuvenil do Club Cisne Balonmán, pero o club pontevedrés quere máis.
As novas promesas do equipo lograron a clasificación para a fase final do Campionato de España superando nun esixente sector en Pontevedra a equipos como o Ademar de León, ademais de Bidasoa e Gijón. Agora os de Víctor Castro miran sen medo ao que lles presenta no horizonte.
Ante eles está a oportunidade de facer historia, mirándose ao espello de dúas xeracións de ouro na historia do Cisne, a de 1978 e a de 2018. A primeira deles logrou un incrible cuarto posto lembrado durante anos, ata que en 2018 unha nova fornada de xogadores deu un paso máis para colgar o bronce no mesmo lugar, Granollers.
Agora, dous anos despois, romper ese teito histórico é todo un soño para os pontevedreses, que se deberán desprazar á provincia de Alacante para disputar a fase final entre o 26 e o 30 de maio.
No seu caso quedaron encadrados no segundo grupo, con sede na localidade de Elda, no que se medirán ao equipo anfitrión, o BM Elda, ademais do Cajasur Córdoba e ao BM Granollers. Pola súa banda o Grupo I compoñerano o FC Barcelona, Ikasa Madrid, CD Agustinos e Anaitasuna.
Segundo anunciou a Real Federación Española de Balonmán a fase final do Campionato de España poderán seguirse en directo a través do streaming da Federación.
Relacionadas:
-
Honras ao Cisne xuvenil campión de España: "Para Pontevedra é un orgullo"
Por Diego Espiño |
-
Boa estrea do Cisne na fase final do Nacional xuvenil, vencendo o anfitrión BM Elda (23-32)
Por Redacción |
-
'Operación quilómetro' no Cisne para financiar a viaxe dos seus xuvenís ao Campionato de España
Por Diego Espiño |
-
Os xuvenís do Cisne métense na fase final do Nacional tras empatar co Ademar León (24-24)
Por Almu Dapena & Cristina Saiz |
-
O Cisne, brillante en defensa, esmaga o Gijón no Nacional Xuvenil (28-15)
Por Almu Dapena & Cristina Saiz |
-
Convincente estrea do Cisne no sector do Nacional Xuvenil superando con claridade o Bidasoa (30-23)
Por Diego Espiño |
-
O Cisne, a por todas como local nun sector do Nacional Xuvenil "complicado"
Por Diego Espiño |
-
Os xuvenís do Cisne tiran de épica para colgar o bronce no campionato de España
Por Redacción |