Pablo Dapena chega ao ecuador da tempada cun bronce no Challenge Gdansk
Por Almu Dapena
A tempada de Pablo Dapena chegou ao seu ecuador cun gran terceiro posto no Challenge Gdansk disputado en Polonia este domingo.
O triatleta pontevedrés, que chegaba á cita en busca da súa primeira vitoria do ano, atravesou a méta a tres minutos despois do inglés James Teagle, que foi o gañador da competición, e a pouco máis dun do surafricano Matt Trautman.
A calor non deu tregua á proba de media distancia que comezou ás 8:00 horas cos 1.900 metros de natación. O primeiro en percorrelos foi o alemán Lukasz Wojt, cun tempo de 22:21, seguido do local Tomasz Bremor e de Pablo Dapena, que o seguiron a tan só 40 segundos. O líder do grupo perseguidor, a 1:39, era o británico James Teagle.
Xa no tramo ciclista, Lukasz Wojt empezou a tomar vantaxe sobre os seus perseguidores, que enseguida foron cazados. Así, ao paso polo quilómetro 20 a vantaxe do alemán xa era de 1 minuto sobre un grupo de seis no que ía Dapena, que apertou ata chegar ao quilómetro 50 para cazar ao líder.
Aínda quedaban 21 quilómetros de carreira a pé por percorrer. James Teagle comezou moi ben para irse en 25 segundos dos seus perseguidores máis próximos, Dapena e o surafricano Matt Trautman ao paso polo quilómetro 4.
Pero no 10 as cousas puxéronse complicadas para o pontevedrés. O británico pisou o acelerador para irse en máis dun minuto a Tratuman e Dapena, que quedou descolgado para seguir en terceira posición.
Finalmente, James Teagle chegou á meta nun tempo de 3:44:36, a máis de dous minutos de Matt Trautman (3:46:40) e a máis de tres de Pablo Dapena (3:47:43). Cuarto foi o finlandés Henrik Goesch e quinto o alemán Dominik Sowieja.
Relacionadas:
-
Pablo Dapena pecha o ano como cuarto clasificado no World Bonus da franquía Challenge
Por Diego Espiño |
-
Pablo Dapena pon fin á tempada por problemas físicos
Por Almu Dapena |
-
O sexto posto no Mundial coloca a Pablo Dapena segundo na loita polo World Bonus da franquía Challenge
Por Diego Espiño |
-
Sexto posto para Pablo Dapena e oitavo para Saleta Castro no Mundial de longa distancia de Almere
Por Almu Dapena |
-
Pablo Dapena e Saleta Castro, "con ganas" de dar a batalla no Mundial de longa distancia de Almere
Por Diego Espiño |
-
Pablo Dapena viaxa a Polonia a por a súa primeira vitoria do ano
Por Diego Espiño |
-
Cuarto posto para Pablo Dapena e catorce para Saleta Castro no Challenge ST Pölten
Por Almu Dapena |
-
Pablo Dapena, á fronte do World Bonus da franquía Challenge tras o seu segundo posto en Italia
Por Diego Espiño |
-
Pablo Dapena confirma o seu bo estado cun segundo posto no Challenge Riccione
Por Almu Dapena |