Derrota do Arosa nos penaltis contra o Juvenil de Ponteareas e xa pensa no Arenteiro
Por Redacción
Último test de pretempada para o Arosa, que este domingo recibiu no campo de Baltar, en Portonovo, ao Juvenil de Ponteareas.
Adiantouse o equipo visitante cun gol afastado de Yago que sorprendeu a Manu Táboas polo alto pouco antes de alcanzar a media hora de xogo.
Na segunda metade, a falta de 10 minutos, reaccionou o Arosa por mediación de Pablo Porrúa, que meteu ao seu equipo de cheo na loita pola vitoria.
Coas táboas no marcador, o colexiado pitou o final do encontro, que finalmente se decidiu desde os once metros.
Desta maneira e despois de 16 penaltis lanzados, foi o Juvenil de Ponteareas o que non fallou, levándose o Trofeo Portonovo.
Para este partido Jorge Otero apostou por un once inicial formado por Manu Táboas, Javi Fontán, Campillo, Ross, Cotilla, Sidibé, Mon, Rober, Diego Diz, Fajardo e Luismi, dando despois entrada a Julio, Piay, Denis e Pedro García.
A proba de lume do Arosa será a próxima fin de semana no primeiro partido de liga no que se medirá ao Arenteiro.
Relacionadas:
-
O Arosa gaña o Vilalonga nos penaltis e leva o Trofeo Peña Celeste (2-4)
Por Redacción |
-
O Arosa cede o seu primeiro empate de pretempada contra o Compostela (1-1)
Por Redacción |
-
O Arosa completa a súa liña defensiva coa fichaxe de Álvaro Denis
Por Redacción |
-
Eliminado o Arosa da Copa RFEF tras caer contra o Rápido de Bouzas (0-2)
Por Redacción |
-
Derrota pola mínima do Arosa ante o Racing de Ferrol no seu primeiro test de pretempada
Por Redacción |