Álex González, confiado en poder asaltar o liderado: "Estou seguro que centrándonos en nós vai chegar"
Por Diego Espiño
A derrota en Leganés non afectou nin un mínimo á confianza do Pontevedra Club de Fútbol, convencido de poder asaltar canto antes o liderado do Grupo I da Segunda RFEF que actualmente ocupa o Unión Adarve con cinco puntos de vantaxe.
"É moi complicado gañar todos os partidos en calquera categoría", defendeu Álex González este mércores nun acto no que foi distinguido como mellor xogador granate do mes de xaneiro.
O capitán recoñece que o tropezo do propio Adarve foi un alivio para eles aínda que "queda un pouco a espiña de que podías recortar". Con todo, iso non cambia o plan deseñado polo Pontevedra, que pasa por "ser fieis ao que vimos facendo".
"Témonos que centrar no noso, en sumar nós, e estou seguro que centrándonos en nós vai chegar", sinala seguro un González que pasa por ser un dos homes máis regulares do plantel.
Esquecido o sucedido ante o filial do Leganés, no horizonte aparece para os granates a visita a Pasarón dun Bergantiños que "vén facéndoo ben", eloxia o extremo zurdo poñendo sobre aviso ante o que está por vir, xa de aquí ao final de liga "practicamente todo o mundo vai estar xogándose algo", o que fará se cabe máis complicado facerse cos puntos en xogo.
Relacionadas:
-
David Soto cede a súa condición de xogador con máis minutos no Pontevedra
Por Diego Espiño |
-
Exame de conciencia no Pontevedra para recuperar "a frescura que tiñamos hai dúas semanas"
Por Diego Espiño |
-
O Bergantiños castiga a falla de contundencia do Pontevedra (0-1)
Por Manu Otero & Cristina Saiz |
-
Rufo apunta ao once fronte ao Bergantiños: "Para xogar 90 minutos dubídoo, pero está para ser titular"
Por Diego Espiño |
-
Mal menor para o Pontevedra tras o inesperado tropezo do Unión Adarve
Por Diego Espiño |
-
Fin á xeira positiva do Pontevedra, que queda seco en Leganés (2-0)
Por Diego Espiño |