Víctor Gallego e Lucía Ferreiro, da Gimnástica, contribúen con dous ouros ao éxito español no europeo máster
Por Redacción
A Sociedad Gimnástica de Pontevedra estivo presente, con cinco representantes, no Campionato de Europa Máster de Pista Cuberta celebrado na cidade portuguesa de Braga entre o 20 e o 27 de febreiro.
Alí, a selección española conseguiu o primeiro posto cun total de 256 medallas: 93 preseas de ouro, 95 de prata e 68 de bronce. O pódium completárono a selección alemá, segunda clasificado con 146 medallas e os anfitrións, que quedaron terceiros con 116 metais.
Ao triunfo español contribuíron cinco atletas do club pontevedrés, que regresaron a Galicia con dúas medallas de ouro, un bronce e dous cuartos postos.
Víctor Gallego e Lucía Ferreiro subíronse todo o máis alto do podio O lanzador de peso impúxose con solvencia aos seus rivais da categoría M35 cun mellor lanzamento de 15, 18 metros. Mentres que a saltadora de pértega e plusmarquista nacional superou os seus propios rexistros oara proclamarse campioa de Europa en categoría W40 cunha marca de 3,20 metros, que supón un novo récord de España.
Na mesma proba, pero en categoría W35, Marta González quedou terceira con 2.80 metros; e Julio Ventín foi cuarto con 3 metros en M60. Mesma posición que conseguiu Helena Rey ( W45) en lanzamento de peso cun mellor intento de 9,53 metros.