Álex Andión, un pontevedrés campión continental de waterpolo
Por Diego Espiño
O Astrapool CN Sabadell fixo historia esta fin de semana ao proclamarse campión da LEN Euro Cup masculina, e con el un pontevedrés segue derrubando muros para o waterpolo galego.
Trátase de Álex Andión, que a pesar da súa mocidade e de ser os seus primeiros anos como deportista absoluto segue queimando etapas nun dos clubs con maior tradición e nivel a nivel español e continental. O deportista pontevedrés formou parte do equipo que venceu na gran final da competición europea o Telimar Palermo.
Andión, formado na canteira do Waterpolo Pontevedra, fixo as maletas en 2019 para probar fortuna no equipo xuvenil do Sabadell, e desde entón foi queimando aos poucos etapas.
Xa foi de feito o primeiro xogador galego en levantar un título nacional, ao que sumou unha convocatoria coa Selección Española Xuvenil.
O seu título da LEN Euro Cup foi moi celebrado desde a distancia por un club, o Waterpolo Pontevedra, que segue a ser a súa casa e que lle quixo trasladar o seu parabén a través das redes sociais.
El pontevedrés Alejandro Andión CAMPEÓN DE EUROPA DE WATERPOLO!
— Waterpolo Pontevedra (@WP_Pontevedra) March 26, 2022
Hoy su equipo CN Sabadell remontó 2 goles en contra en la Final de la LEN Europa Cup para hacerse con el título continental
Enhorabuena Alex!
Felicidades al CN Sabadell pic.twitter.com/EtEgrB5wox
Para facerse co título o Sabadell, segundo club nacional en conseguilo tras o CN Barcelona (94-95 e 03-04), tivo que remontar no partido decisivo o 9-7 desfavorable que traía de Italia, pero terminou impoñéndose cun contundente 11-5.
Relacionadas:
-
O waterpolista pontevedrés Álex Andión ficha polo CN Echeyde de Tenerife
Por Redacción |
-
O waterpolo pontevedrés exporta talento ás categorías nacionais
Por Redacción |
-
Álex Andión celebra en Pontevedra o seu título da LEN Euro Cup de waterpolo: "Poder conseguir isto foi unha gran honra"
Por Diego Espiño |
-
O pontevedrés Álex Andión, chamado a nunha concentración nacional xuvenil de waterpolo
Por Redacción |
-
Álex Andión recarga pilas co CW Pontevedra para afrontar o seu salto á primeira liña do waterpolo continental
Por Manu Otero |
-
Álex Andión rompe barreiras para o waterpolo galego como campión da Supercopa co Sabadell
Por Diego Espiño |
-
O CN Sabadell ficha a dous xuvenís do CW Pontevedra
Por Manu Otero |