A Deputación festexa o ascenso do Pontevedra mirando cara á 2ª División: "É o mínimo que se merece esta cidade e este equipo"
Por Diego Espiño & Diana Eiras
O deputado de Deportes da Deputación provincial, Gorka Gómez, ofreceu este xoves unha recepción ao Pontevedra Club de Fútbol polo seu ascenso a Primeira RFEF, nunha nova xornada do calendario de celebracións que os granates teñen previsto durante esta semana.
No acto, ao que acudiu o plantel granate ademais de corpo técnico, director deportivo e Consello de Administración, o responsable provincial de Deportes apostou por un "ascenso a Segunda División, que creo que é o mínimo que merece esta cidade e este equipo", asegurando que "creo que tedes as vimbias" para conseguilo.
Ademais Gómez destacou o importante apoio popular recibido nos seus últimos encontros: "Moitos dos equipos de Primeira chegan xustiños aos 8.000 ou 9.000 espectadores, é un reflexo da importancia do que é o Pontevedra para esta cidade e esta provincia", afirmou.
Pola súa banda a presidenta do Pontevedra, Lupe Murillo, agradeceu ao deputado ser "un seareiro máis" defendendo a importancia do apoio recibido pola Deputación como patrocinador principal do equipo. De feito "esperemos seguir un ano máis da vosa man", sinalou a dirixente.
Tamén interveu o capitán do primeiro plantel granate, Álex González, recoñecendo que como patrocinador da camiseta a administración provincial "vai a todos os partidos connosco".
As celebracións do Pontevedra polo ascenso de categoría concluirán este venres cunha homenaxe do Concello de Pontevedra na Casa das Campás e unha ofrenda floral no Santuario da Virxe Peregrina, ademais dunha cea de despedida da tempada prevista no Hotel Campaniola e á que poderán acudir tamén afeccionados previa reserva.
Relacionadas:
-
Chega o momento de planificar para o Pontevedra
Por Diego Espiño |
-
Lupe Murillo pide "un pouco máis" ás institucións para que o Pontevedra siga crecendo
Por Manu Otero |
-
A clasificación para a Copa do Rei, un premio extra á boa tempada do Pontevedra
Por Diego Espiño |
-
VÍDEO.- Recepción ao Pontevedra na Xunta de Galicia: "Oxalá que o ano que vén esteamos a celebrar outro ascenso"
Por Diego Espiño |
-
Continuidade no bloque e dúbidas por resolver para o proxecto do Pontevedra na Primeira RFEF
Por Diego Espiño |
-
A Primeira RFEF na que competirá o Pontevedra vai tomando forma
Por Diego Espiño |
-
Semana de celebracións para o Pontevedra antes de iniciar as vacacións
Por Diego Espiño |
-
FOTOS: Así se viviu en Palencia o ascenso do Pontevedra Cf
Por Redacción |
-
O Pontevedra certifica o seu ascenso a Primeira RFEF cun empate en Palencia (1-1)
Por Almu Dapena |