A TVG súmase á nómina de operadores que emitirán este ano a Primeira Federación
Por Manu Otero
Crecen as opcións para ver os partidos do Pontevedra por televisión. Se o pasado mércores a RFEF facía público o acordo coa plataforma InStat TV para a retransmisión de todos os partidos da Primeira Federación, este venres publican un novo comunicado para informar que a FORTA (Federación de Organismos de Radio e Televisión Autonómicos) emitirá tamén cinco partidos de cada xornada en aberto e de forma gratuíta en tres territorios: Galicia (CRTVG), Cataluña (CCMM) e Baleares (IB3).
No caso da Televisión de Galicia, cada xornada emitirá dous partidos de Primeira Federación. Serán partidos que os equipos galegos xoguen en casa, salvo que haxa xornadas nas que tes dos catro que participan nesta competición xoguen como visitantes. Nese caso, a TVG emitirá o partido que se xogue en Galicia e un dos tres que se xoguen fose.
O acordo coa RFEF implica que as emisións da Galega serán en aberto en TDT e a través da web, pero con xeolocalización para España.
A TVG emitirá tamén en aberto todos os partidos de playoff e playout se os protagonistas son equipos galegos.
Estaba previsto que as emisións comezasen co partido Deportivo-DUX deste sábado, pero o anuncio de incomparecencia do equipo madrileño fai que o primeiro partido desta tempada emitido pola TVG vaia a ser o Pontevedra-Alcorcón, fixado para o domingo 27 ás 19.30 horas. Na segunda xornada, retransmitirá o Deportivo-Linense e o Racing de Ferrol-Real Madrid Castela.
Comezamos coa 1ª @rfef o domingo
— En Xogo tvG2 (@EnXogo_tvG2) August 26, 2022
@PontevedraCFSAD vs @AD_Alcorcon
Domingo 28
Ás 19:30
Na G2 e en https://t.co/JLzymQjEce pic.twitter.com/IvYEvs38Io
Relacionadas:
-
Animan a cidadanía pontevedresa a participar na manifestación por unha televisión e radio galegas públicas "ao servizo do pobo"
Por Redacción |
-
Excesivo castigo para o Pontevedra na súa visita o Sanse (2-0)
Por Almu Dapena |
-
O Pontevedra visitará Riazor o domingo 18 ás 19 horas
Por Manu Otero |
-
Fin ao culebrón sobre os dereitos televisivos: a Primeira Federación verase por InStat TV
Por Redacción |
-
Publicados os horarios das dúas primeiras xornadas de Primeira Federación: Pontevedra - Alcorcón, o día 28 ás 19.30 horas
Por Manu Otero |