Primeiros test para o Waterpolo Pontevedra na súa posta a punto para a Primeira Nacional
Por Redacción
Tras comezar a pretemporada o pasado 22 de de agosto e tras catro semanas de adestramento, o Club Waterpolo Pontevedra prepárase para entrar en acción cos seus primeiros compromisos amigables, co obxectivo de chegar o mellor posible ao comezo de liga na Primeira Nacional Feminina, categoría na que se estrea esta campaña.
A entidade pontevedresa pechou un calendario de preparación que terá a súa primeira cita esta próxima fin de semana, os días 17 e 18 de setembro, no Torneo Ciudad de Rivas, en Madrid, onde disputarán tres partidos fronte ao equipo anfitrión CN Rivas e o CN Catro Camiños.
Ademais aproveitarase a viaxe para xogar un partido amigable fronte ao Simalga Real Canoe NC, equipo que estivo ás portas de ascender a División de Honra a tempada pasada e que será rival na primeira xornada ligueira o día 22 de outubro.
Doutra banda o Waterpolo Pontevedra estará os días 24 e 25 de setembro no IV Torneio Internacional Cidade do Porto, cun cartel no que figuran dous equipos de División de Honra española, como son o CN Rubí e o CN Boadilla, ademais do actual campión de Portugal e organizador, o Clube Fluvial Portuense.
O calendario de preparación conta ademais coa Supercopa Galega prevista para o 1 ou 2 de outubro co CW Coruña Rías Altas como rival.
Relacionadas:
-
O Waterpolo Pontevedra debuta en Primeira Nacional con derrota ante un superior Real Canoe (18-8)
Por Redacción |
-
Dúas xogadoras do Waterpolo Pontevedra disputan os Xogos Suramericanos
Por Redacción |
-
Balance positivo do Waterpolo Pontevedra de Primeira Nacional nos seus catro primeiros amigables
Por Redacción |
-
O Waterpolo Pontevedra debutará en Liga Nacional contra un 'coco': o Simalga Real Canoe NC
Por Redacción |
-
O Waterpolo Pontevedra volve aos adestramentos pero non ten piscina
Por Redacción |
-
Ilusión disparada nun Waterpolo Pontevedra que xa prepara o seu debut en liga nacional
Por Manu Otero |
-
Sara Vanegas, a incorporación máis nova do Waterpolo Pontevedra para a súa estrea en categoría nacional
Por Redacción |
-
Valentina Restrepo, de Colombia ao proxecto de Primeira Nacional do Waterpolo Pontevedra
Por Redacción |