Antonio Fernández: "Con este resultado non podes explicar que fixeches as cousas ben"
Por Almu Dapena
"Sabiamos ao escenario que viñamos e ao rival que nos iamos a enfrontar", defende Antonio Fernández na rolda de prensa de despois do partido entre Mérida e Pontevedra que concluíu con derrota dos granates por 2-0.
"Non estivemos acertados no que tiñamos que estar", asegura, á vez que considera que o seu equipo "en liñas xerais estivo ben" pero viuse penalizado polos seus propios erros á hora de defender.
Sabía ao que ía o Pontevedra a Mérida, coñecía as boas transicións que facía o rival pero, aínda así, non souberon frear os dous goles que viñeron de "decisións erróneas" na que agora hai que "incidir e corrixir".
Con todo, a pesar do 2-0, Antonio Fernandez considera que o equipo estivo ben na primeira metade, con "moitas chegadas a liña de fondo e achegamentos con verdadeiro perigo, pero os centros non foron da calidade suficiente" como para crear ocasións de verdade.
Foi o Mérida, pola contra, o que si soubo aproveitar as súas chegadas a área rival, primeiro nun mal repregamento tras un erro en campo contrario e o segundo tras unha mala toma de decisión á hora de botar unha falta que concluíu en "un contra ataque que non soubemos cortar e que nos penalizou cando mellor estabamos. Foi un xerro de auga fría que nos deixou xeados aínda que o equipo non baixou os brazos en ningún momento".
Para o técnico granate, "tivemos a pelota e soubemos xestionala, pero con este resultado non podes explicar que fixeches as cousas ben", concluíu.
Relacionadas:
-
Jon Bakero pide confianza no Pontevedra: "Temos que crérnolo. Só falta marcar un gol e que se abran un pouco as portas"
Por Diego Espiño |
-
Linarejos, o fortín que espera o Pontevedra tras case un ano sen caer na liga
Por Diego Espiño |
-
A Primeira RFEF 'seca' a efectividade goleadora do Pontevedra
Por Diego Espiño |
-
O contragolpe do Mérida noquea o Pontevedra (2-0)
Por Almu Dapena |