A piscina de 25 metros de Rías do Sur seguirá aberta á espera dunha solución que permita reabrir a olímpica
Por Manu Otero
As partes afectadas polo peche da piscina olímpica das complexo Rías do Sur mantiveron este luns unha reunión, na que participaron o alcalde Lores e o concelleiro de Deportes, Tino Fernández; para tratar de evitar o peche da piscina de 25 metros, actualmente única instalación en funcionamento en Ponte Muíños, anunciado por parte da Fundación Rías do Sur, propietaria da instalación, a partir do 1 de xaneiro.
As principais conclusións do acordo pasan polo compromiso da Fundación para manter en funcionamento a piscina dos 25 metros paira uso dos clubs até o mes de febreiro e o Concello subvencionará os clubs durante este tempo paira axudar ao mantemento deste espazo.
Ademais na primeira quincena de febreiro será realizada unha nova reunión na que se agardan ter máis datos de previsións do que custaría usar a piscina de 50, como avanzan os traballos na súa posta en marcha e que se prevé no futuro co fin de seguir avanzando.
"O Concello está disposto a favorecer calquera alternativa que permita desenvolver a actividade, aínda que sexa en precario mentres non se proceda ao enchido da piscina de 50 metros. Estamos dispostos a colaborar incluso económicamente", recoñeceu o titular de Deportes, Tino Fernández, ao finalizar un encontro no que participaron tamén representantes de todos os clubs de auga da cidade e da Fundación Rías do Sur.
Con todo, desde o goberno local necesitan tempo para atopar unha solución definitiva ao conflito. "Os tempos administrativos son os que son e necesitamos tempo para facer as cousas", argumentou o tenente de alcalde para pedir á Fundación que "sexa sensible ás necesidades dos clubes mentres a piscina de 50 metros non se poña a funcionar, que faga todo o posible para que o vaso de 25 metros siga aberto á espera de que podamos recuperar a actividade normal da piscina".
Reiterou Fernández a intención do Concello de colaborar, pero puntualiza que "a piscina non é nosa e temos dificultades mesmo para firmar acordos de financiacion e iso nos leva máis tempo".
Relacionadas:
-
Desbloqueado "o último obstáculo" para a posible apertura do Complexo Deportivo Rías do Sur
Por Almu Dapena |
-
O PP reclama que se poña en marcha o "convenio incumprido" para reactivar o Complexo Deportivo Rías do Sur
Por Redacción |
-
Os clubs xa gozan da piscina olímpica, que será accesible para toda a cidadanía "en setembro ou outubro"
Por Diego Espiño |
-
O Concello investirá 200.000 euros para que os clubs poidan adestrar e competir nas piscinas de Rías do Sur
Por Almu Dapena |
-
O luns 12, data clave para o futuro de Rías do Sur cunha reunión a tres bandas entre Concello, Fundación e clubs
Por Diego Espiño |
-
Reunión entre o PP e os clubs afectados polo peche de Rías do Sur para "buscar solucións conxuntas"
Por Redacción |
-
Vida extra ata final de ano para evitar o peche de Rías do Sur
Por Diego Espiño |
-
O Concello tende a man a un acordo para manter aberto Rías do Sur: "Pola nosa parte non vai quedar"
Por Diego Espiño |
-
Rías do Sur volve pechar ao non poder facerse cargo a Fundación "do groso dos gastos que conleva"
Por Diego Espiño |