David Chapela pon fin á súa etapa no Cisne agradecido por "volver facerme sentir xogador de balonmán"
Por Diego Espiño
O Club Cisne Balonmán e David Chapela separan os seus camiños.
O central pontevedrés pon fin á súa breve etapa na entidade pontevedresa, que lle pediu axuda ante a praga de lesións que arrasaba o equipo, en especial á primeira liña.
"Como dixera comprometinme a xogar estes dous meses ata que o Cisne recuperase xogadores no parón, e tomei a decisión de facelo como tiña pensado", explicou o central pontevedrés, que nestes dous meses participou en oito partidos da Liga Asobal anotando 11 goles, e noutro de Copa do Rei.
Chapela quixo agradecer ao Cisne "a oportunidade de volver formar parte deste gran club", pero tamén á afección e aos seus compañeiros por "volver facerme sentir xogador do balonmán".
"No seu día o Cisne puxo a persoa antes que o xogador, e sen dúbida ese foi o motivo polo que eu decidín devolver o favor ou ese xesto. Por iso volvín estes dous meses a xogar", sinala Chapela en relación ás facilidades que deu a entidade na súa anterior retirada das pistas, tras a pandemia, para centrarse no seu labor profesional fóra das canchas.
¡Gracias @DavidChapela, eternamente agradecidos! #SomosCisne #OrgullososdoNoso pic.twitter.com/3Y0FQFYWHb
— Club Cisne Balonmano (@ClubCisneBalonm) December 14, 2022
Relacionadas:
-
O Atlético Novás supera o Cisne e leva o Memorial Luaces (22-24)
Por Redacción & Cristina Saiz |
-
O Nadal queda atrás para o Cisne cunha volta ao traballo chea de ausencias
Por Diego Espiño & Mónica Patxot |
-
O Cisne planifica unha 'minipretempada' en xaneiro con cinco partidos de preparación
Por Diego Espiño |
-
Gualter Furtado, primeiro xogador do Cisne convocado para o Mundial
Por Diego Espiño |
-
Cruz para o Cisne, que puido obrar unha remontada heroica no último segundo (32-33)
Por Manu Otero & Cristina Saiz |
-
Kilian Ramírez, o heroe dun Cisne que quedou a un palmo do triunfo en Guadalaxara (24-24)
Por Almu Dapena |
-
David Chapela regresa a un Cisne arrasado polas lesións
Por Manu Otero |