Catro renovacións e once fichaxes dan forma ao Supermercados Froiz do 2023
Por Redacción
O ano 2022 aínda non finalizou pero o Grupo Deportivo Supermercados Froiz xa ten practicamente perfilada o seu plantel para o próximo curso.
O conxunto que dirixe Evaristo Portela pechou xa a renovación de catro dos corredores máis destacados da tempada recentemente finalizada, como é o caso de Raúl Casalderrey ou Alejandro Gómiz, pero tamén dos prometedores Rubén Fandiño ou Jose Autran.
Con todo, o groso do persoal debutará o próximo ano coa camisola alimenticia, pois pecharon xa a incorporación de once fichaxes.
Os primeiros en anunciarse foron os nomes de Daniel Jimenez, Alejandro Luna ou Ángel Maneiro. Xa no mes de novembro confirmaron as altas de Álvaro Navas, Jorge García e Fernando Santos.
Pero foi o mes de decembro o que está a ter un maior movemento coa confirmación das chegadas ao equipo con base en Poio de Miguel Castellano, Andrés Taboada, Vicente Rojas, Jose Antonio García e Óscar Justo.
Polo momento, a escuadra alimenticia unicamente confirmou estes nomes a través das súas redes sociais. Será no tradicional acto de presentación do equipo, que terá lugar unha vez pechen o plantel e comece a concentración de pretemporada, cando Evaristo Portela explique os obxectivos da nova tempada e o que espera de cada un dos seus novos ciclistas.
Relacionadas:
-
Un renovado Supermercados Froiz fía a súa sorte á "fortaleza do bloque" ante unha nova tempada
Por Manu Otero & Mónica Patxot |
-
Terceira fichaxe confirmada nun Froiz que acelera na planificación da súa tempada 2023
Por Redacción |
-
Experiencia internacional para os ciclistas do Froiz no Campionato de Europa de Ciclocrós
Por Redacción |
-
Primeiros pasos do Froiz na planificación da tempada 2023
Por Redacción |