O Waterpolo Pontevedra 'afoga' o colíder Horta na quenda de penaltis (13-11)
Por Redacción
O Club Waterpolo Pontevedra deu a sorpresa ao superar na quenda de penaltis ao colíder da Primeira División Nacional Feminina, Unió Esportiva Horta, na Escola Naval Militar de Marín.
O partido comezou ás 15:15 horas, coas pontevedresas dispostas a baleirarse en cada disputa e competir de ti a ti contra o seu rival.
Empezaron perdendo cun parcial de 1-3, pero enseguida puxéronse ao choio para dar a volta ao resultado e conseguir irse ao descanso con vantaxe no marcador (6-4).
Tras o intermedio, o Waterpolo Pontevedra continuou ao seu e mesmo chegou a ampliar a renda en tres tantos (8-5), pero o Horta espertou na recta final e devolveu as táboas para mandar o envite á quenda de penaltis (9-9).
Fallaron as visitantes os dous primeiros penaltis que tiraron Laia Terol e Megan Jade, mentres que o cadro pontevedrés fixo pleno de acertos cos goles de Irene Esteban, Valentina Restrepo, Karla Hernández e Izaskun Tellería (13-11).
Así, o conxunto pontevedrés empeza ao grande o ano, e é que de dous partidos disputados conseguiu un dobrete de triunfos que lle permite manterse comodamente na zona media da táboa.
Consulta a acta do partido nesta ligazón
Relacionadas:
-
Vitoria do Waterpolo Pontevedra para festexar a permanencia e pechar a primeira volta (7-5)
Por Redacción |
-
Goleada do Waterpolo Pontevedra en Marbella para clasificarse para a segunda fase (6-12)
Por Redacción |
-
Nova vitoria do Waterpolo Pontevedra superando o Leioa na quenda de penaltis (15-13)
Por Redacción |
-
O CW Pontevedra busca un cuarto triunfo consecutivo que encarrile a permanencia en Primeira Nacional
Por Redacción |
-
O CW Pontevedra prolonga o seu bo momento coa terceira vitoria consecutiva
Por Redacción |
-
Vitoria en Alcorcón como inicio de ano para o Waterpolo Pontevedra (7-10)
Por Redacción |
-
Avultada derrota do Waterpolo Pontevedra ante o Real Canoe (7-16)
Por Cristina Saiz & Redacción |
-
Importante triunfo do Waterpolo Pontevedra ante un rival directo pola permanencia na Primeira Nacional, o CW Marbella (15-10)
Por Redacción & Cristina Saiz |