Goleada do Waterpolo Pontevedra en Marbella para clasificarse para a segunda fase (6-12)
Por Redacción
O Club Waterpolo Pontevedra segue alongando a súa boa serie e xa son cinco as vitorias consecutivas as que lograron no seu debut en Primeira División Nacional. As de Kike García superaron este sábado ao pechacancelas Marbella e xa están clasificadas matematicamente para xogar a segunda fase da competición no grupo que loitará polo ascenso.
Tras un inicio de partido igualado, cun 2-3 no marcador cando finalizou o primeiro período, o cadro pontevedrés púxose ao choio e non tivo rival.
Anotou Valentina o cuarto tanto do WP nada máis comezar o segundo cuarto e, de aí en diante, os goles foron caendo un tras outro na portería local, protagonizados por unha Izaskun Tellería imparable que asinou catro seguidos que xa permitían pensar no triunfo (2-7).
A forte defensa pontevedresa tamén deu os seus froitos e o Marbella só foi capaz de romper a seca anotadora cunha xogadora máis dentro da auga tras as expulsións de Iria Amoedo e Andrea Fernández, enviando o duelo ao descanso nun 5-9.
Tras o intermedio pouco variou o resultado. Anotou Sofía Anaya para o Marbella e fixeron o propio Valentina e Izaskun para o Waterpolo Pontevedra, asinando unha vitoria por 6-12 que as clasifica para xogar a fase polo ascenso.
Consulta as estatísticas nesta ligazón
Relacionadas:
-
O Iruña rompe coa racha do Waterpolo Pontevedra (19-13)
Por Redacción |
-
O WP Pontevedra inicia a fase polo ascenso con triunfo ante o CN Molins (12-8)
Por Redacción & Cristina Saiz |
-
As mellores canteiras do waterpolo galego rétanse este sábado na piscina do CGTD
Por Redacción |
-
Vitoria do Waterpolo Pontevedra para festexar a permanencia e pechar a primeira volta (7-5)
Por Redacción |
-
O CW Pontevedra, a pola quinta vitoria consecutiva na piscina do pechacancelas
Por Redacción |
-
As xogadoras do CW Pontevedra conquistan tamén a Copa Galega
Por Redacción |
-
Nova vitoria do Waterpolo Pontevedra superando o Leioa na quenda de penaltis (15-13)
Por Redacción |
-
O Waterpolo Pontevedra 'afoga' o colíder Horta na quenda de penaltis (13-11)
Por Redacción |
-
Vitoria en Alcorcón como inicio de ano para o Waterpolo Pontevedra (7-10)
Por Redacción |