As mellores canteiras do waterpolo galego rétanse este sábado na piscina do CGTD
Por Redacción
A piscina do Centro Galego de Tecnificación deportiva acollerá este sábado os campionatos galegos de categoría xuvenil masculina e feminina de waterpolo. O evento, no que está en xogo o pase aos campionatos de España desta categoría, foi presentado este xoves no CGTD por parte do adestrador do director técnico do club, Kike García, o director do CGTD, Jesús López; e a deputada provincial Iria Lamas.
A competición comezará ás 11.30 horas do sábado coa disputa da final feminina, na que se enfrontarán as xuvenís do CW Pontevedra coas do RCN Vigo.
A continuación comezará a disputa das eliminatorias do cadro masculino, no que se medirán, ás 12.45 horas, o RCN Vigo e o CW Coruña Rías Altas. Ás 14 horas, terá lugar a outra semifinal, entre CW Pontevedra e CW Santiago.
Na quenda de tarde, a partir das 18.30 horas, están programados o partido polo bronce e, ás 20 horas, a final.
"O obxectivo do CW Pontevedra é gañar, tanto coas mozas como cos mozos, pero non vai ser fácil", recoñeceu García.
Pola súa banda, tanto desde o CGTD como desde a Deputación, destacaron o compromiso de ambas as institucións co apoio ao CW Pontevedra á hora de ceder instalacións e axudar na organización de eventos.
"Sempre queremos colaborar cos clubs da cidade", recoñecía López, antes de que Lamas concluíse a presentación destacando o firme compromiso co apoio ao deporte feminino.
Relacionadas:
-
O CW Pontevedra inicia este sábado a fase polo ascenso á elite do waterpolo
Por Redacción |
-
O CW Pontevedra xuvenil feminino faise co campionato autonómico
Por Redacción |
-
Vitoria do Waterpolo Pontevedra para festexar a permanencia e pechar a primeira volta (7-5)
Por Redacción |
-
Goleada do Waterpolo Pontevedra en Marbella para clasificarse para a segunda fase (6-12)
Por Redacción |
-
O CW Pontevedra, a pola quinta vitoria consecutiva na piscina do pechacancelas
Por Redacción |
-
As xogadoras do CW Pontevedra conquistan tamén a Copa Galega
Por Redacción |