O CW Pontevedra, a pola quinta vitoria consecutiva na piscina do pechacancelas
Por Redacción
O Club Waterpolo Pontevedra desprázase esta fin de semana a Fuengirola (Piscina Municipal David Meca), para medirse ao Club Waterpolo Marbella, último clasificado, na penúltima xornada da primeira fase da Primeira División Nacional.
Con catro vitorias consecutivas e a permanencia na segunda máxima categoría do waterpolo nacional case no peto, as de Kike García tratarán de sumar o seu quinto triunfo seguido que lles permita pelexar ata a última xornada co Leioa polo terceiro posto do grupo A.
Con todo, o rival non o poñerá fácil. O cadro andaluz logrou a pasada semana a súa primeira vitoria na competición e atesoura un plantel con sobrada experiencia na categoría e con capacidade para plantar cara ás debutantes pontevedresas.
En caso de lograr unha vitoria, o equipo pontevedrés clasificaríase matematicamente para xogar a segunda fase da competición no grupo que loite polo ascenso.
O partido previsto para as 16.30 horas poderase ver en directo por streaming a través da páxina de Facebook do Club Waterpolo Marbella.
Relacionadas:
-
As mellores canteiras do waterpolo galego rétanse este sábado na piscina do CGTD
Por Redacción |
-
Goleada do Waterpolo Pontevedra en Marbella para clasificarse para a segunda fase (6-12)
Por Redacción |
-
As xogadoras do CW Pontevedra conquistan tamén a Copa Galega
Por Redacción |
-
Nova vitoria do Waterpolo Pontevedra superando o Leioa na quenda de penaltis (15-13)
Por Redacción |